สรรวาสติวาทปราติโมกษ์สูตร
ปาฏิโมกข์ฝ่ายสรรวาสติวาท

คัมภีร์สรรวาสติวาทปราติโมกษ์สูตร(ปาฏิโมกข์ฝ่ายสรรวาสติวาท) ภาษาสันสกฤต ปริวรรตเป็นอักษรไทย

นิกายสรรวาสติวาท หรือ นิกายสัพพัตถิกวาท เป็นนิกายในพุทธศาสนาฝ่ายสาวกยาน ในสายสถวีรวาท
นิกายนีี้เป็นต้นเค้าของนิกาย มูลสรรวาสติวาท นักผู้เชี่ยวชาญจำนวนมากจัดให้นิกายนี้อยู่ในกลุ่มที่เรียกว่า “เถรวาทฝ่ายสันสกฤต”

อักษรต้นฉบับเปรียบเทียบ

---

ปฺราติโมกฺษสูตฺรํ

นิทานมฺ
สิทฺธมฺ

นิษฺกฺรานฺตา อนุปสํปนฺนาะ สมคฺระ สํฆะ สํนิปติตะ กิํ สํฆสฺย กรณียมฺ อนาคตานามฺ อายุษฺมนฺตศฺ ฉนฺทํ ปริศุทฺธิํ จาโรจยต อาโรจิเต จ ปฺรเวทยตะ นิรฺคตมฺ อายุษฺมนฺโต คฺรีษฺมาทฺ เอกราโตฺรโน มาสะ ไสกราตฺราสฺ ตฺรโย มาสา อวศิษฺฏาะ ฯ

---

อากฺรมเต ชรามรณํ ปฺรลุชฺยติ ศาสฺตุะ ศาสนมฺ วิลุปฺยเต ชีวิเตนฺทฺริยํ ฯ นิรฺคจฺฉติ สทฺธรฺมะ สีทติ ปฺรติปฺ…อิรฺ ชายเต ไศถิลฺยํ ฯ
วิวฤยนฺเต อปายทฺวารา ฯ ปิถียนฺเต อมฤตทฺวารา จฺฉิทฺยเต ธรฺมเสตุรฺ ภิทฺยเต ธรฺมโปตะ สํสีทติ ธรฺมปฺลโว ฯ นิศามฺยเต ธรฺโมลฺกา ฯ
อุตฺปาฏฺยเต ธรฺมวฤกฺษะ ปฺรปตติ ธรฺมธฺวชะ อุจฺฉฺรปฺยเต มารธฺวชะ ศุษฺยเต ธรฺมสมุโทฺร วิกีรฺยเต ชฺญานสุเมรุรฺ อสฺตํคจฺฉํติ วาทิศารฺทูลา + + กรฺณาธาราะ สตฺปโถปเทศกาะ อจิราทฺ ธิ มนุษฺยาณํา มฤคสํชฺญา [ภฺ]. .อิ + + + ติ ตสฺมาตฺ สรฺไวรฺ อายุษฺมทฺภิรฺ อุทฺวิคฺไนะ สํเวคมฺ อาปนฺไนะ ตสฺยานุตฺตรทศพลธรธรฺมราชจกฺรวรฺตินะ เปาราณสุจริตกรฺมวิปากนิรฺชาตสฺย มฤษาวาทไปศุนฺยปารุษฺยาพทฺธปฺรลาปวิวรฺชิตสฺย สตฺยานุวรฺติวจ[น] + + + มาสาววาทานุศาสนํ โศฺรตวฺยมฺ อปฺรมาเทนายุษฺมทฺภิรฺ โยคะ กรณียะ อปฺรมาทาธิคตา หิ ตถาคตานามฺ อรฺหตํา สมฺยกฺสํพุทฺธานํา โพธิรฺ เย จาปฺยฺ อนฺเย กุศลา ธรฺมา โพธปกฺษฺยาะ ๚

---

ศาสยตีติ หิ ศาสฺตฺรํ โปฺรกฺตํ สมฺยกฺ จ ศาสยตฺยฺ เอษะ
โมกฺษาย ปฺราติโมกฺษสฺ ตสฺมาจฺ ฉาสฺตฺรํ ปฺรวรมฺ เอตตฺ ๚๑๚

การฺยาการฺยมฺ อวาจฺยํ วาจฺยํ ยจฺ ไจว ภิกฺษุณา ยุกฺตมฺ
ตทฺ อิห นิขิเลน มุนินา ปฺรกาศิตํ ปฺราติโมเกฺษ ‘สฺมิํ ๚๒๚

ทุศฺจริตาทฺ วารยติ ตฺริวิธาตฺ ตฺริวิเธ ศุเภ นิโยชยติ ฯ
พฤํหยติ กุศลปกฺษํ กฺษปยติ โทษํา คุณสปตฺนํา ๚๓๚

มิถฺยาชีวมฺ อนารฺยํ วินาศยติ ทุรฺคติปฺรเณตารมฺ
สฺวรฺคาปวรฺคมารฺคํ วิโศธยติ จานุปูรฺเวณ ๚๔๚

ยาวตฺ สฺถาสฺยตฺยฺ เอษะ ปฺรกาศิตสฺ เตน โลกนาเถน ฯ
ตาวตฺ สฺถาสฺยติ ธรฺโม โลเก ‘สฺมิํ ศากฺยสิํหสฺย ๚๕๚

ตสฺมาทฺ อาตฺมหิตารฺถํ สฺถิตฺยรฺถํ ศาสนสฺย ไจว จิรมฺ ฯ
ศฤณุต มุหูรฺตมฺ อวหิตา วกฺษฺยามิ ปฺราติโมกฺษมฺ อหมฺ ๚๖๚

---

ศฤโณตุ ภทนฺตะ สํฆะ อทฺย สํฆสฺย โปษถะ ปําจทศิกะ สเจตฺ สํฆสฺย ปฺราปฺตกาละ กฺษมเต อาชฺญา จ สํฆสฺย ยตฺ สมคฺระ สํโฆ ‘ทฺย โปษถํ กุรฺยาตฺ ปฺราติโมกฺษสูตฺรมฺ อุทฺทิเศทฺ เอษา ชฺญปฺติะ โปษถํ วยมฺ อายุษฺมํตะ กริษฺยามะ ปฺราติโมกฺษสูตฺรมฺ อุทฺเทกฺษฺยามสฺ ตตฺ สรฺเว สํตะ ศฤณุต สาธุ จ สุษฺฐุ จ มนสิกุรุต
ยสฺย วะ สฺยาตฺ สตฺยฺ อาปตฺติะ สาวิษฺกรฺตวฺยา อสตฺยามฺ อาปตฺเตา ตูษฺณีํ ภวิตวฺยํ ตูษฺณีํภาเวน วยมฺ อายุษฺมนฺตะ ปริศุทฺธา อิติ เวทยิษฺยาโม ยถา จ ปฺรตฺเยกปฤษฺฏสฺย ภิโกฺษรฺ วฺยากรณํ ภวตฺยฺ เอวมฺ เอไววํรูปายํา ภิกฺษุปริษทิ ยาวตฺ ตฺริรฺ อปฺยฺ อนุศฺราวณา ภวติ ฯ
ยะ ปุนรฺ ภิกฺษุรฺ เอวํรูปายํา ภิกฺษุปริษทิ ยาวตฺ ตฺริรฺ อปฺยฺ อนุศฺราวฺยมาเณ สฺมรํ สตีมฺ อาปตฺติํ นาวิษฺกโรติ สํปฺรชานมฤษาวาโท ‘สฺย ภวติ สํปฺรชานมฤษาวาทสฺ ตฺวฺ อายุษฺมนฺต อนฺตรายิโก ธรฺม อิตฺยฺ อุกฺตํ ภควตา ตสฺมาทฺ อาปนฺเนน ภิกฺษุณา วิศุทฺธิเปฺรกฺษิณา สฺมรตา สตี อาปตฺติรฺ อาวิษฺกรฺตวฺยา ฯ อาวิษฺกฤตฺวาสฺย ผาษํ ภวติ นานาวิษฺกฤตฺวา ๚

---

อุทฺทิษฺฏํ มยายุษฺมนฺตะ ปฺราติโมกฺษสูโตฺรทฺเทศสฺย นิทานํ ฯ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอวาหํ ธารยามิ ๚

---

[ปาราชิกา ธรฺมาะ]

อิเม ปุนรฺ อายุษฺมนฺตศฺ จตฺวาระ ปาราชิกา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ฯ

ยะ ปุนรฺ ภิกฺษุรฺ ภิกฺษุภิะ สารฺธํ ศิกฺษาสามีจิสมาปนฺนะ ศิกฺษามฺ อปฺรตฺยาขฺยาย ศิกฺษาเทารฺพลฺยํ วานาวิษฺกฤตฺวา ไมถุนํ ธรฺมํ ปฺรติเษเวต อนฺตตสฺ ตีรฺยคฺโยนิคตยาปิ สารฺธมฺ อยํ ภิกฺษุะ ปาราชิโก ภวตฺยฺ อสํวาสฺยะ ๚๑๚

ยะ ปุนรฺ ภิกฺษุรฺ อทตฺตํ สฺเตยสํขฺยาตมฺ อาททฺยาทฺ ยถารูเปณาทตฺตาทาเนน ราชา หฺยฺ เอนํ คฤหีตฺวา หนฺยาทฺ วา พธฺนียาทฺ วา ปฺรวาสเยทฺ วา เอวํ ไจนํ วเทจฺ โจโร ‘สิ พาโล ‘สิ มูโฒ ‘สิ สฺเตโย ‘สีตฺยฺ เอวํรูปํ ภิกฺษุรฺ อทตฺตมฺ อาททานะ ปาราชิโก ภวตฺยฺ อสํวาสฺยะ ๚๒๚

ยะ ปุนรฺ ภิกฺษุรฺ มนุษฺยํ สฺวหสฺเตน สํจินฺตฺย ชีวิตาทฺ วฺยปโรปเยจฺ ฉสฺตฺรํ ไวนมฺ อาธารเยจฺ ฉสฺตฺราธารกํ วาสฺย ปรฺเยษเยทฺ เอวํ ไวนํ วเททฺ ธมฺโภะ ปุรุษ กิํ ตวาเนน ปาปเกน ทุรฺชีวิเตน มฤตํ เต ชีวิตาทฺ วรมฺ อิติ จิตฺตานุมตํ จิตฺตสํกลฺปิตมฺ อเนกปรฺยาเยณ มรณาย สมาทาปเยนฺ มรณวรฺณํ วาสฺยานุสํวรฺณเยตฺ ส จ เตโนปกฺรเมณ กาลํ กุรฺยาทฺ อยมฺ อปิ ภิกฺษุะ ปาราชิโก ภวตฺยฺ อสํวาสฺยะ ๚๓๚

ยะ ปุนรฺ ภิกฺษุรฺ อนภิชานนฺนฺ อปริชานนฺนฺ อุตฺตริมนุษฺยธรฺมมฺ อลมารฺยวิเศษาธิคมํ ชฺญานํ วา ทรฺศนํ วา ปฺรติชานียาชฺ ชานามีติ ปศฺยามีติ โส ‘ปเรณ สมเยน สมนุยุชฺยมาโน วา อสมนุยุชฺยมาโน วา เอวํ วเททฺ อชานมาโน ‘หมฺ อโวจํ ชานามีตฺยฺ อปศฺยนฺนฺ อโวจํ ปศฺยามีติ ตุจฺฉํ มฤษา วิลปิตมฺ อนฺยตฺราภิมานาทฺ อยมฺ อปิ ภิกฺษุะ ปาราชิโก ภวตฺยฺ อสํวาสฺยะ ๚๔๚

อุทฺทิษฺฏา มยายุษฺมนฺตศฺ จตฺวาระ ปาราชิกา ธรฺมา เยษํา ภิกฺษุรฺ อนฺยตมานฺยตมํ ธรฺมมฺ อาปนฺโน น ลภเต ภิกฺษุภิะ สารฺธํ สํวาสํ วา สํโภคํ วา ยถา ปูรฺวํ ตถา ปศฺจาตฺ ปาราชิโก ภวตฺยฺ อสํวาสฺยะ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอวาหํ ธารยามิ ๚

---

[สํฆาวเศษา ธรฺมาะ]

อิเม ปุนรฺ อายุษฺมนฺตสฺ ตฺรโยทศ สํฆาวเศษา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ฯ

สํจินฺตฺย ศุกฺรวิสรฺโค ‘นฺยตฺร สฺวปฺนานฺตราตฺ สํฆาวเศษะ ๚๑๚

ยะ ปุนรฺ ภิกฺษุรฺ อุทีรฺณวิปริณเตน จิตฺเตน มาตฤคฺราเมณ สารฺธํ กายสํสรฺคํ สมาปทฺเยต หสฺตคฺรหณํ วา เวณีคฺรหณํ วา อนฺยตมานฺยตมสฺย วางฺคชาตสฺยามรฺศนํ ปรามรฺศนํ วา สํฆาวเศษะ ๚๒๚

ยะ ปุนรฺ ภิกฺษุรฺ อุทีรฺณวิปริณเตน จิตฺเตน มาตฤคฺรามํ ทุษฺฐุลยา วาจา อาภาเษต ปาปิกยา อสภฺยยา ไมถุโนปสํหิตยา ยถาปิ ตทฺ ยุวา ยุวตีมฺ อิติ สํฆาวเศษะ ๚๓๚

ยะ ปุนรฺ ภิกฺษุรฺ อุทีรฺณวิปริณเตน จิตฺเตน มาตฤคฺรามสฺยานฺติเก อาตฺมนะ กายปริจรฺยายา วรฺณํ ภาเษต เอษาคฺรฺยา ภคินิ ปริจรฺยาณํา ยนฺ มาทฤศํ ภิกฺษุํ ศีลวนฺตํ กลฺยาณธรฺมาณํ พฺรหฺมจาริณมฺ อเนน ธรฺเมณ ปริจเรทฺ ยทุต ไมถุโนปสํหิเตน สํฆาวเศษะ ๚๔๚

ยะ ปุนรฺ ภิกฺษุะ สํจาริตฺรํ สมาปทฺเยต สฺตฺริยา วา ปุรุษมเตน ปุรุษสฺย วา สฺตฺรีมเตน ชายาตฺเวน วา ชาริตฺเวน วา อนฺตตสฺ ตตฺกฺษณมฺ อปิ สํฆาวเศษะ ๚๕๚

สฺวยาจิตํา ภิกฺษุณา กุฏิํ การยตา อสฺวามิกามฺ อาตฺโมทฺเทศิกํา ปฺรามาณิกา กุฏิะ การยิตวฺยา ตเตฺรทํ กุฏิปฺรมาณํ ทีรฺฆโต ทฺวาทศ วิตสฺตยะ สุคตวิตสฺตฺยา ตีรฺยกฺ สปฺตานฺตรตสฺ
เตน ภิกฺษุณา ภิกฺษโว ‘ภิเนตวฺยา วาสฺตุ เทศยิตุมฺ อภินีไตรฺ ภิกฺษุภิรฺ วาสฺตุ เทศยิตวฺยมฺ อนารมฺภํ สปรากฺรมํ
สารมฺเภ เจทฺ ภิกฺษุรฺ วาสฺตุนฺยฺ อปรากฺรเม สฺวยาจิตํา กุฏิํ การยมาณ อสฺวามิกามฺ อาตฺโมทฺเทศิกํา ภิกฺษูนฺ นาภินเยทฺ วาสฺตุ เทศยิตุํ ปฺรมาณํ วาติกฺรเมตฺ สํฆาวเศษะ ๚๖๚

มหลฺลกํ ภิกฺษุณา วิหารํ การยตา สสฺวามิกมฺ อาตฺโมทฺเทศิกํ เตน ภิกฺษุณา ภิกฺษโว ‘ภิเนตวฺยา วาสฺตุ เทศยิตุมฺ อภินีไตรฺ ภิกฺษุภิรฺ วาสฺตุ เทศยิตวฺยมฺ อนารํภํ สปรากฺรมํ
สารํเภ เจทฺ ภิกฺษุรฺ วาสฺตุนฺยฺ อปรากฺรเม มหลฺลกํ วิหารํ การยมาณะ สสฺวามิกมฺ อาตฺโมทฺเทศิกํ ภิกฺษูนฺ นาภินเยทฺ วาสฺตุเทศนาไย สํฆาวเศษะ ๚๗๚

ยะ ปุนรฺ ภิกฺษุรฺ ทุษฺโฏ โทษาทฺ อปฺรตีตะ ศุทฺธํ ภิกฺษุมฺ อนาปนฺนมฺ อมูลเกน ปาราชิเกน ธรฺเมณานุธฺวํสเยทฺ อปฺยฺ เอไวนํ พฺรหฺมจรฺยาจฺ จฺยาวเยยมฺ อิติ
ตสฺย สาธุ จ สุษฺฐุ จ สมนุยุชฺยมานสฺย สมนุคาหฺยมานสฺย อมูลํ ไจว ตทฺ อธิกรณํ ภเวทฺ ภิกฺษุศฺ จานุธฺวํสยิตา โทเษ ปฺรติติษฺเฐทฺ โทเษณาโวจมฺ อิติ สํฆาวเศษะ ๚๘๚

ยะ ปุนรฺ ภิกฺษุรฺ ทุษฺโฏ โทษาทฺ อปฺรตีตะ อนฺยถาภาคียสฺยาธิกรณสฺย กํจิทฺ เอว เลศมาตฺรํ ธรฺมมฺ อุปาทาย อปาราชิกํ ภิกฺษุํ ปาราชิเกน ธรฺเมณานุธฺวํสเยทฺ อปฺยฺ เอไวนํ พฺรหฺมจรฺยาจฺ จฺยาวเยยมฺ อิติ
ตสฺย สาธุ จ สุษฺฐุ จ สมนุยุชฺยมานสฺย สมนุคาหฺยมานสฺย อนฺยถาภาคิ ตทฺ อธิกรณํ ภเวทฺ อนฺยถาภาคีนศฺ จาธิกรณาตฺ กศฺจิทฺ เอว เลศมาโตฺร ธรฺม อุปาทตฺโต ภเวทฺ ภิกฺษุศฺ จานุธฺวํสยิตา โทเษ ปฺรติติษฺเฐทฺ โทเษณาโวจมฺ อิติ สํฆวเศษะ ๚๙๚

ยะ ปุนรฺ ภิกฺษุะ สมคฺรสฺย สํฆสฺย เภทาย ปรากฺรเมทฺ เภทสํวรฺตนียํ วาธิกรณํ สมาทาย วิคฤหฺย ติษฺเฐตฺ ส ภิกฺษุรฺ ภิกฺษุภิรฺ เอวํ สฺยาทฺ วจนีโย มา ตฺวมฺ อายุษฺมํ สมคฺรสฺย สํฆสฺย เภทาย ปรากฺรม มา เภทสํวรฺตนียมฺ อธิกรณํ สมาทาย วิคฤหฺย สฺถาะ
สเมตฺวฺ อายุษฺมํ สารฺธํ สํเฆน สมโคฺร หิ สํฆะ สหิตะ สํโมทมาน อวิวทมาน เอกาคฺร เอโกทฺเทศ เอกกฺษีโรทกีภูตะ สุขํ ผาษํ วิหรติ นิะสฤช ตฺวมฺ อายุษฺมํ สํฆเภทกรํ วสฺตุ ฯ
เอวํ เจตฺ ส ภิกฺษุรฺ ภิกฺษุภิรฺ อุจฺยมานสฺ ตทฺ เอว วสฺตุ สมาทาย วิคฤหฺย ติษฺเฐนฺ น ปฺรตินิะสฤเชตฺ ส ภิกฺษุรฺ ภิกฺษุภิรฺ ยาวตฺ ตฺริรฺ อปิ สมนุศาสิตวฺยสฺ ตสฺย วสฺตุนะ ปฺรตินิะสรฺคาย ส ยาวตฺ ตฺริรฺ อปิ สมนุศิษฺยมาณสฺ ตทฺ วสฺตุ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชตฺ สํฆาวเศษะ ๚๑๐๚

ตสฺย เจทฺ ภิโกฺษรฺ ภิกฺษวะ สฺยุรฺ อนุวรฺติโน วฺยคฺรวาทิน เอโก วา ทฺเวา วา สํพหุลา วา เต ตํา ภิกฺษูนฺ เอวํ วเทยุรฺ มา ยูยมฺ อายุษฺมํต อิตฺถํนามานํ ภิกฺษุมฺ อตฺร วสฺตุนิะ กิํจิทฺ วทนฺตุ ตตฺ กสฺมาทฺ เธโตรฺ ธรฺมวาที ไจษ ภิกฺษุรฺ วินยวาที จ อสฺมากํ ไจษ จฺฉนฺทํ จ รุจิํ จาทายานุวฺยาหรติ ฯ ชานํ ไจษ ภิกฺษุรฺ ภาษเต นาชานํ ยจฺ จาสฺย ภิโกฺษ โรจเต จ กฺษมเต จ อสฺมากมฺ อปิ ตทฺ โรจเต จ กฺษมเต จ ฯ
เต ภิกฺษโว ภิกฺษุภิรฺ เอวํ สฺยุรฺ วจนียาะ ไนษ ภิกฺษุรฺ ธรฺมวาที น วินยวาที อธรฺมํ ไจโษ ‘วินยํ จาทาย วิคฤหฺยานุวฺยาหรติ นิะสฤชํตฺวฺ อายุษฺมนฺตะ สํฆเภทานุวรฺติตํา วฺยคฺรวาทิตํา สมโคฺร หิ สํฆะ สหิตะ สํโมทมาน อวิวทมาน เอกาคฺร เอโกทฺเทศ เอกกฺษีโรทกีภูตะ สุขํ ผาษํ วิหรติ
เอวํ เจตฺ เต ภิกฺษโว ภิกฺษุภิรฺ อุจฺยมานาสฺ ตทฺ เอว วสฺตุ สมาทาย วิคฤหฺย ติษฺเฐยุรฺ น ปฺรตินิะสฤเชยุสฺ เต ภิกฺษโว ภิกฺษุภิรฺ ยาวตฺ ตฺริรฺ อปิ สมนุศาสิตวฺยาสฺ ตสฺย วสฺตุนะ ปฺรตินิะสรฺคาย เต ยาวตฺ ตฺริรฺ อปิ สมนุศิษฺยมาณาสฺ ตทฺ วสฺตุ ปฺรตินิะสฤเชยุรฺ อิตฺยฺ เอวํ กุศลํ โน เจตฺ ปฺรตินิะสฤเชยุะ สํฆาวเศษะ ๚๑๑๚

ภิกฺษุะ ปุนรฺ อนฺยตมํ คฺรามํ วา นิคมํ โวปนิะศฺริตฺย วิหเรตฺ ส จ สฺยาตฺ กุลทูษกะ ปาปสมาจาระ ตสฺย กุลานิ ทุษฺฏานิ ทฤศฺเยรนฺ วา ศฺรูเยรนฺ วา ปฺรชฺญาเยรนฺ วา ปาปกาศฺ จ ตสฺย สมาจารา ทฤศฺเยรนฺ วา ศฺรูเยรนฺ วา ปฺรชฺญาเยรนฺ วา กุลทูษกศฺ จ สฺยาตฺ ปาปสมาจาระ
ส ภิกฺษุรฺ ภิกฺษุภิรฺ เอวํ สฺยาทฺ วจนียะ อายุษฺมํา กุลทูษกะ ปาปสมาจารสฺ ตสฺย เต กุลานิ ทุษฺฏานิ ทฤศฺยนฺเต ‘ปิ ศฺรูยนฺเต ‘ปิ ปฺรชฺญายนฺเต ‘ปิ ปาปกาศฺ จ เต สมาจารา ทฤศฺยนฺเต ‘ปิ ศฺรูยนฺเต ‘ปิ ปฺรชฺญายนฺเต ‘ปิ กุลทูษกศฺ จายุษฺมํา ปาปสมาจาระ ปฺรกฺรมตฺวฺ อายุษฺมํา อสฺมาทฺ อาวาสาทฺ อลํ ตเวโหษิเตน
เอวํ เจตฺ ส ภิกฺษุรฺ ภิกฺษุภิรฺ อุจฺยมานสฺ ตานฺ ภิกฺษูนฺ เอวํ วเทจฺ ฉนฺทคามิน อายุษฺมนฺโต ภิกฺษโว ทฺเวษคามิโน ภยคามิโน โมหคามิโน ยตฺร หิ นาม ตาทฤศีมฺ เอวาปตฺติมฺ อาปนฺนานฺ เอกตฺยํา ภิกฺษูํ ปฺรวาสยนฺตฺยฺ เอกตฺยํา ภิกฺษูนฺ น ปฺรวาสยนฺติ
ส ภิกฺษุรฺ ภิกฺษุภิรฺ เอวํ สฺยาทฺ วจนียะ เนเม ภิกฺษวศฺ ฉนฺทคามิโน น ทฺเวษคามิโน น ภยคามิโน น โมหคามิน อปิ ตฺวฺ อายุษฺมานฺ เอว กุลทูษกะ ปาปสมาจาระ ตสฺย เต กุลานิ ทุษฺฏานิ ทฤศฺยนฺเต ‘ปิ ศฺรูยนฺเต ‘ปิ ปฺรชฺญายนฺเต ‘ปิ ปาปกาศฺ จ เต สมาจารา ทฤศฺยนฺเต ‘ปิ ศฺรูยนฺเต ‘ปิ ปฺรชฺญายนฺเต ‘ปิ กุลทูษกศฺ จายุษฺมานฺ ปาปสมาจาระ นิะสฤชตฺวฺ อายุษฺมําศฺ ฉนฺทคามิ วจนํ ทฺเวษคามิ ภยคามิ โมหคามิ วจนํ
เอวํ เจตฺ ส ภิกฺษุรฺ ภิกฺษุภิรฺ อุจฺยมานสฺ ตทฺ เอว วสฺตุ สมาทาย วิคฤหฺย ติษฺเฐนฺ น ปฺรตินิะสฤเชตฺ ส ภิกฺษุรฺ ภิกฺษุภิรฺ ยาวตฺ ตฺริรฺ อปิ สมนุศาสิตวฺยสฺ ตสฺย วสฺตุนะ ปฺรตินิะสรฺคาย ส ยาวตฺ ตฺริรฺ อปิ สมนุศิษฺยมาณสฺ ตทฺ วสฺตุ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชตฺ สํฆาวเศษะ ๚๑๒๚

ภิกฺษุะ ปุนรฺ อิไหกตฺโย ทุรฺวจชาตียะ สฺยาตฺ ส อุทฺเทศปรฺยาปนฺไนะ ศิกฺษาปไทรฺ ภิกฺษุภิะ สห ธรฺเมณ สห วินเยโนจฺยมาน อาตฺมานมฺ อวจนียํ กุรฺยานฺ มา มามฺ อายุษฺมนฺตะ กิํจิทฺ วทนฺตุ กลฺยาณํ วา ปาปกํ วา อหมฺ อปฺยฺ อายุษฺมโต น กิํจิทฺ วกฺษฺยามิ กลฺยาณํ วา ปาปกํ วา วิรมนฺตฺวฺ อายุษฺมนฺโต มทฺวจนาทฺ อลํ โว มฺ. + + กฺเตน
ส ภิกฺษุรฺ ภิกฺษุภิรฺ เอวํ สฺยาทฺ วจนีโย มา ตฺวมฺ อายุษฺมนฺนฺ อุทฺเทศปรฺยาปนฺไนะ ศิกฺษาปไทรฺ ภิกฺษุภิะ สห ธรฺเมณ สห วินเยโนจฺยมาน อาตฺมานมฺ อวจนียํ การฺษีรฺ วจนียมฺ เอวายุษฺมานฺ อาตฺมานํ กโรตุ อายุษฺมนฺตมฺ อปิ ภิกฺษโว วกฺษฺยนฺติ สห ธรฺเมณ สห วินเยน อายุษฺมานฺ อปิ ภิกฺษูํ วทตุ สห ธรฺเมณ สห วินเยน เอวํ สํวฤทฺธา ตสฺย ภควตะ ปริษทฺ ยทุตานฺโยนฺยวจนียาทฺ อนฺโยนฺยาววาทาทฺ อนฺโยนฺยานุศาสนาทฺ อนฺโยนฺยาปตฺติวฺยุตฺถาปนานฺ นิะสฤชตฺวฺ อายุษฺมานฺ อาตฺมน อวจนียกรฺมานฺตตํา
เอวํ เจตฺ ส ภิกฺษุรฺ ภิกฺษุภิรฺ อุจฺยมานสฺ ตทฺ เอว วสฺตุ สมาทาย วิคฤหฺย ติษฺเฐนฺ น ปฺรตินิะสฤเชตฺ ส ภิกฺษุรฺ ภิกฺษุภิรฺ ยาวตฺ ตฺริรฺ อปิ สมนุศาสิตวฺยสฺ ตสฺย วสฺตุนะ ปฺรตินิะสรฺคาย ส ยาวตฺ ตฺริรฺ อปิ สมนุศิษฺยมาณสฺ ตทฺ วสฺตุ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชตฺ สํฆาวเศษะ ๚๑๓๚

อุทฺทิษฺฏา มยายุษฺมนฺตสฺ ตฺรโยทศ สํฆาวเศษา ธรฺมา นว ปฺรถมาปตฺตยศฺ จตฺวาโร ยาวตฺตฤตียกา เยษํา ภิกฺษุรฺ อนฺยตมานฺยตมํ ธรฺมมฺ อาปนฺโน ยาวตฺกาลํ ชานํ ปฺรติจฺฉาทยติ ตาวตฺกาลมฺ อกามํ ปริวสฺตวฺยํ ภวติ ฯ ปรฺยุษิตปริวาสิเตน ภิกฺษุณา อุตฺตรํ สํเฆ ษฑฺราตฺรํ มานาปฺยํ จรฺตวฺยํ ภวติ จีรฺณมานาปฺโย ภิกฺษุรฺ อาพฤหณาตฺ ปฺรติพทฺธะ กฤตานุธรฺโม ยตฺร สฺยาทฺ วิํศติคโณ ภิกฺษุสํฆสฺ ตตฺร ส ภิกฺษุรฺ อาพฤหิตวฺย เอเกนาปฺยฺ อูโน วิํศติคโณ ภิกฺษุสํฆสฺ ตํ ภิกฺษุมฺ อาพฤหฺยาตฺ ส จ ภิกฺษุรฺ อนาพฤหิตสฺ เต จ ภิกฺษโว ครฺหฺยา อิยํ ตตฺร สามีจิะ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[อนิยเตา ธรฺเมา]

อิเมา ปุนรฺ อายุษฺมนฺโต ทฺวาวฺ อนิยเตา ธรฺมาวฺ อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉตะ ๚

ยะ ปุนรฺ ภิกฺษุรฺ มาตฤคฺราเมณ สารฺธมฺ เอไกเกน รหสิ ปฺรติจฺฉนฺเน อาสเน นิษทฺยํา กลฺปเยทฺ อลํ คมนีเยน ตํ จ ศฺราทฺเธยวจโนปาสิกา ตฺรยาณํา ธรฺมาณามฺ อนฺยตมานฺยตเมน ธรฺเมณ วเทตฺ ปาราชิเกน วา สํฆาวเศเษณ วา ปาตยนฺติเกน วา นิษทฺยํา ภิกฺษุะ ปฺรติชานมานสฺ ตฺรยาณํา ธรฺมาณามฺ อนฺยตมานฺยตเมน ธรฺเมณ การยิตวฺยะ ปาราชิเกน วา สํฆาวเศเษณ วา ปาตยนฺติเกน วา เยน เยน ธรฺเมณ วา ศฺราทฺเธยวจโนปาสิกา ตํ ภิกฺษุํ วเทตฺ เตน เตน ส ภิกฺษุะ การยิตวฺยะ อยํ ธรฺโม ‘นิยตะ ๚๑๚

น จ รหสิ ปฺรติจฺฉนฺเน อาสเน นิษทฺยํา กลฺปเยนฺ นาลํ คมนีเยน อปิ ตุ ตํ มาตฤคฺรามํ ทุษฺฐุลยา วาจา อาภาเษต ปาปิกยา อสภฺยยา ไมถุโนปสํหิตยา ตํ จ ศฺราทฺเธยวจโนปาสิกา ทฺวโยรฺ ธรฺมโยรฺ อนฺยตมานฺยตเมน ธรฺเมณ วเทตฺ สํฆาวเศเษณ วา ปาตยนฺติเกน วา นิษทฺยํา ภิกฺษุะ ปฺรติชานมาโน ทฺวโยรฺ ธรฺมโยรฺ อนฺยตมานฺยตเมน ธรฺเมณ การยิตวฺยะ สํฆาวเศเษณ วา ปาตยนฺติเกน วา เยน เยน ธรฺเมณ วา ศฺราทฺเธยวจโนปาสิกา ตํ ภิกฺษุํ วเทตฺ เตน เตน ส ภิกฺษุะ การยิตวฺยะ อยมฺ อปิ ธรฺโม ‘นิยตะ ๚๒๚

อุทฺทิษฺเฏา มยายุษฺมนฺโต ทฺวาวฺ อนิยเตา ธรฺเมา ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[นิะสรฺคิกาะ ปาตยนฺติกา ธรฺมาะ]

อิเม ปุนรฺ อายุษฺมนฺตสฺ ตฺริํศนฺ นิะสรฺคิกาะ ปาตยนฺติกา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ๚

นิษฺฐิตจีวเรณ ภิกฺษุณา อุทฺธฤเต กฐิเน ทศาหปรมมฺ อติริกฺตํ จีวรํ ธารยิตวฺยํ ตต อุตฺตรํ ธารเยนฺ นิะสรฺคิกา ปาตยนฺติกา ๚๑๚

นิษฺฐิตจีวโร ภิกฺษุรฺ อุทฺธฤเต กฐิเน เอกราตฺรมฺ อปิ ตฺรยาณํา จีวราณามฺ อนฺยตมานฺยตมสฺมาจฺ จีวราทฺ วิปฺรวเสทฺ อนฺยตฺร สํฆสํมตฺยา นิะสรฺคิกา ปาตยนฺติกา ๚๒๚

นิษฺฐิตจีวรสฺย ภิโกฺษรฺ อุทฺธฤเต กฐิเน อุตฺปทฺเยตากาลจีวรมฺ อากํากฺษมาเณน เตน ภิกฺษุณา ปฺรติคฤหีตวฺยํ ปฺรติคฤหฺย สเจตฺ ปริปูรฺเยต กฺษิปฺรมฺ เอว กฤตฺวา ธารยิตวฺยํ โน เจตฺ ปริปูรฺเยต มาสปรมํ เตน ภิกฺษุณา ตจฺ จีวรมฺ อุปนิกฺษิปฺตวฺยํ สตฺยํา จีวรปฺรตฺยาศายามฺ อูนสฺย วา ปริปูรฺยารฺถํ ตต อุตฺตรมฺ อุปนิกฺษิเปนฺ นิะสรฺคิกา ปาตยนฺติกา ๚๓๚

ยะ ปุนรฺ ภิกฺษุรฺ อชฺญาตฺยา ภิกฺษุณฺยา ปุราณจีวรํ ธาวเยทฺ วา รญฺชเยทฺ วา อาโกฏเยทฺ วา นิะสรฺคิกา ปาตยนฺติกา ๚๔๚

ยะ ปุนรฺ ภิกฺษุรฺ อชฺญาตฺยา ภิกฺษุณฺยาะ สนฺติกาจฺ จีวรํ ปฺรติคฤหฺณียาทฺ อนฺยตฺร ปริวรฺตเกน นิะสรฺคิกา ปาตยนฺติกา ๚๕๚

ยะ ปุนรฺ ภิกฺษุรฺ อชฺญาติํ คฤหปติํ คฤหปติปตฺนีํ วา จีวรํ วิชฺญาปเยทฺ อนฺยตฺร สมยาทฺ อภินิษฺปนฺเน จีวเร นิะสรฺคิกา ปาตยนฺติกา ๚๖๚

ตตฺรายํ สมย อาจฺฉินฺนจีวโร ภิกฺษุะ สฺยานฺ นษฺฏจีวโร วา ทคฺธจีวโร วา อูฒจีวโร วา อยํ ตตฺร สมยะ
อาจฺฉินฺนจีวเรณ ภิกฺษุณา นษฺฏจีวเรณ วา ทคฺธจีวเรณ วา อูฒจีวเรณ วา อชฺญาติํ คฤหปติํ คฤหปติปตฺนีํ วา จีวรํ วิชฺญา… ตํ เจทฺ ภิกฺษุํ ศฺราทฺโธ คฤหปติรฺ คฤหปติปตฺนี วา สํพหุไลศฺ จีวไระ ปฺรวารเยทฺ อากํากฺษมาเณน เตน ภิกฺษุณา สานฺตโรตฺตรปรมํ ตตศฺ จีวรํ ปฺรติคฤหีตวฺยํ ตต อุตฺตรํ ปฺรติคฤหฺณียานฺ นิะสรฺคิกา ปาตยนฺติกา ๚๗๚

ภิกฺษุํ ปุนรฺ อุทฺทิศฺย อชฺญาตินา คฤหปตินา คฤหปติปตฺนฺยา วา จีวรเจตนกานฺยฺ อุปสฺกฤตานิ สฺยุรฺ เอภิรฺ อหํ จีวรเจตนไกรฺ เอวํรูปมฺ เอวํรูปํ จีวรํ เจตยิตฺวา เอวํนามานํ ภิกฺษุมฺ อาจฺฉาทยิษฺยามีติ
ตตฺร เจตฺ ส ภิกฺษุะ ปูรฺวมฺ อปฺรวาริตะ สมานะ อุปสํกฺรมฺย อชฺญาติํ คฤหปติํ คฤหปติปตฺนีํ วา กํจิทฺ เอว วิกลฺปมฺ อาปทฺยนฺนฺ เอวํ วเททฺ ยานิ ตานฺยฺ อายุษฺมตา มามฺ อุทฺทิศฺย จีวรเจตนกานฺยฺ อุปสฺกฤตานฺยฺ เอภิศฺ จีวรเจตนไกรฺ เอวํรูปมฺ เอวํรูปํ จีวรํ เจตยิตฺวา เอวํนามานํ ภิกฺษุมฺ อาจฺฉาทยิษฺยามีติ สาธฺวฺ อายุษฺมํสฺ ไตศฺ จีวรเจตนไกรฺ เอวํรูปมฺ เอวํรูปํ จีวรํ เจตยิตฺวา จีวเรณ มามฺ อาจฺฉาทเยติ กลฺยาณกามตามฺ อุปาทาย อภินิษฺปนฺเน จีวเร นิะสรฺคิกา ปาตยนฺติกา ๚๘๚

ภิกฺษุํ ปุนรฺ อุทฺทิศฺย ทฺวาภฺยามฺ อชฺญาติภฺยํา คฤหปติภฺยํา คฤหปติ
ปตฺนีภฺยํา วา ปฺรตฺเยกจีวรเจตนกานฺยฺ อุปสฺกฤตานิ สฺยุรฺ เอภิรฺ อาวํา จีวรเจตนไกรฺ เอวํรูปํ เอวํรูปํ ปฺรตฺเยกจีวรํ เจตยิตฺวา เอวํนามานํ ภิกฺษุมฺ อาจฺฉาทยิษฺยาวะ ปฺรตฺเยกจีวราภฺยามฺ อิติ ฯ
ตตฺร เจตฺ ส ภิกฺษุะ ปูรฺวมฺ อปฺรวาริตะ สมาน อุปสํกฺรมฺย เตา ทฺวาวฺ อชฺญาตี คฤหปตี คฤหปติปตฺนฺเยา วา กํจิทฺ เอว วิกลฺปมฺ อาปทฺยนฺนฺ เอวํ วเททฺ ยานิ ตานฺยฺ อายุษฺมทฺภฺยํา มามฺ อุทฺทิศฺย จีวรเจตนกานฺยฺ อุปสฺกฤตานฺยฺ เอภิรฺ อาวํา จีวรเจตนไกรฺ เอวํรูปมฺ เอวํรูปํ ปฺรตฺเยกจีวรํ เจตยิตฺวา เอวํนามานํ ภิกฺษุมฺ อาจฺฉาทยิษฺยาวะ สาธฺวฺ อายุษฺมนฺเตา ไตศฺ จีวรเจตนไกรฺ เอวํรูปมฺ เอวํรูปํ ปฺรตฺเยกจีวรํ เจตยิตฺวาจฺฉาทยตํ มํา จีวเรณ อุเภา ภูตฺไวเกเนติ กลฺยาณกามตามฺ อุปาทายาภินิษฺปนฺเน จีวเร นิะสรฺคิกา ปาตยนฺติกา ๚๙๚

ภิกฺษุํ ปุนรฺ อุทฺทิศฺย ราชฺญา วา ราชมหามาเตฺรณ วา พฺราหฺมเณน วา คฤหปตินา วา ทูตสฺย หสฺเต จีวรเจตนกานิ เปฺรษิตานิ สฺยุะ ส ทูตสฺ ตํ ภิกฺษุมฺ อุปสํกฺรมฺไยวํ วเททฺ อิมานิ เต อายุษฺมํ ราชฺญา วา ราชมหามาเตฺรณ วา พฺราหฺมเณน วา คฤหปตินา วา จีวรเจตนกานิ เปฺรษิตานิ ปฺรติคฤหฺณาตฺวฺ อายุษฺมํา จีวรเจตนกานฺยฺ อนุกมฺปามฺ อุปาทาย ฯ
ส ภิกฺษุสฺ ตํ ทูตมฺ เอวํ วเทนฺ นายุษฺมนฺ ทูต กลฺปนฺเต ภิกฺษูณํา จีวรเจตนกานิ ปฺรติคฤหีตุํ จีวรํ ตุ วยํ ลพฺธฺวา กาเลน กลฺปิกํ สฺวหสฺตํ ปฺรติคฤหฺย กฺษิปฺรมฺ เอว กฤตฺวา ธารยามะ
ส ทูตสฺ ตํ ภิกฺษุมฺ เอวํ วเททฺ อสฺตฺยฺ อายุษฺมตํา กศฺจิทฺ ไวยฺยาปตฺยกโร โย ภิกฺษูณํา ไวยฺยาปตฺยํ กโรติ ฯ จีวรารฺถิเกน ภิกฺษุณา ไวยฺยาปตฺยกโร วฺยปเทษฺฏวฺย อารามิโก วา อุปาสโก วา เอษ ภิกฺษูณํา ไวยฺยาปตฺยํ กโรติ ฯ
ส ทูตสฺ ตํ ไวยฺยาปตฺยกรมฺ อุปสํกฺรมฺไยวํ วเททฺ อิมานฺยฺ อายุษฺมํ ไวยฺยาปตฺยกร จีวรเจตนกานิ ราชฺญา วา ราชมหามาเตฺรณ วา พฺราหฺมเณน วา คฤหปตินา วา เอวํนามานํ ภิกฺษุมฺ อุทฺทิศฺย เปฺรษิตานิ สาธฺวฺ อายุษฺมํ ไวยฺยาปตฺยกร ตฺวมฺ เอภิศฺ จีวรเจตนไกรฺ เอวํรูปมฺ เอวํรูปํ จีวรํ เจตยิตฺวา ฯ ส ภิกฺษุสฺ ตฺวามฺ อุปสํกฺรมิษฺยติ กาเลน ตํ ตฺวมฺ อาจฺฉาทย จีวเรณ กลฺปิเกเนติ ฯ
เอวํ ส ทูตสฺ ตํ ไวยฺยาปตฺยกรํ สาธุ จ สุษฺฐุ จ สมนุศิษฺย ตํ ภิกฺษุมฺ อุปสํกฺรมฺไยวํ วเททฺ โย สาวฺ อายุษฺมตา ไวยฺยาปตฺยกโร วฺยปทิษฺฏะ สมนุศิษฺฏะ ส มยา ฯ ตํ ตฺวมฺ อุปสํกฺรม กาเลน อาจฺฉาทยิษฺยติ ตฺวํา จีวเรณ กลฺปิเกเนติ ฯ
จีวรารฺถิเกน ภิกฺษุณา ไวยฺยาปตฺยกรมฺ อุปสํกฺรมฺย ทฺวิสฺ ตฺริศฺ โจทยิตวฺยะ สฺมารยิตวฺยะ อรฺโถ เม ไวยฺยาปตฺยกร จีวเรณ ทฺวิสฺ ตฺริศฺ โจทยตะ สฺมารยตะ สเจทฺ อภินิษฺปทฺเยต จีวรมฺ อิตฺยฺ เอวํ กุศลํ โน เจทฺ อภินิษฺปทฺเยต จตุษฺปญฺจษฏฺกฤตฺวาปรมํ ตูษฺณีมฺ อุทฺเทเศ สฺถาตวฺยํ ตูษฺณีมฺ อุทฺเทเศ สฺถิตสฺย สเจทฺ อภินิษฺปทฺเยต จีวรมฺ อิตฺยฺ เอวํ กุศลํ โน เจทฺ อภินิษฺปทฺเยต ตต อุตฺตรํ วฺยายเมต จีวรสฺยาภินิษฺปตฺตเย อภินิษฺปนฺเน จีวเร นิะสรฺคิกา ปาตยนฺติกา ฯ
โน เจทฺ อภินิษฺปทฺเยต เตน ภิกฺษุณา ยตสฺ ตานิ จีวรเจตนกานฺยฺ อานีตานิ ตตฺร สฺวยํ วา คนฺตวฺยํ ทูโต วา เปฺรษิตวฺโย ยานิ ตานฺยฺ อายุษฺมตา มามฺ อุทฺทิศฺย จีวรเจตนกานิ เปฺรษิตานิ น ตานฺยฺ อสฺมากํ กํจิทฺ อรฺถํ ปฺรกุรฺวนฺติ ปฺรชานาตฺวฺ อายุษฺมํา สฺวมฺ อรฺถํ มา เต ปฺรณศฺเยทฺ อิยํ ตตฺร สามีจิะ ๚๑๐๚

ยะ ปุนรฺ ภิกฺษุรฺ นวํ เกาเศยํ สํสฺตรํ การเยนฺ นิะสรฺคิกา ปาตยนฺติกา ๚๑๑๚

ยะ ปุนรฺ ภิกฺษุะ ศุทฺธกาฑานามฺ เอฑกโลมฺนํา นวํ สํสฺตรํ การเยนฺ นิะสรฺคิกา ปาตยนฺติกา ๚๑๒๚

นวํ ปุนรฺ ภิกฺษุณา สํสฺตรํ การยตา ทฺเวา ภาเคา ศุทฺธกาฑานามฺ เอฑกโลมฺนามฺ อาทาตวฺเยา ตฤตีโย ‘วทาตานํา จตุรฺโถ โคจริกานามฺ อนาทาย เจทฺ ภิกฺษุรฺ ทฺเวา ภาเคา ศุทฺธกาฑานามฺ เอฑกโลมฺนามฺ ตฤตียมฺ อวทาตานํา จตุรฺถํ โคจริกานํา นวํ สํสฺตรํ การเยตฺ กลฺยาณกามตามฺ อุปาทาย นิะสรฺคิกา ปาตยนฺติกา ๚๑๓๚

นวํ ปุนรฺ ภิกฺษุณา สํสฺตรํ การยิตฺวา อกามํ ษฑฺ วรฺษาณิ ธารยิตวฺยํ อรฺวากฺ เจทฺ ภิกฺษุะ ษฑฺภฺโย วรฺเษภฺยะ ปุราณสํสฺตรํ นิะสฤชฺย วา อนิะสฤชฺย วา อนฺยํ นวํ สํสฺตรํ การเยทฺ อนฺยตฺร สํฆสํมตฺยา กลฺยาณกามตามฺ อุปาทาย นิะสรฺคิกา ปาตยนฺติกา ๚๑๔๚

นวํ ภิกฺษุณา นิษีทนสํสฺตรํ การยตา ปุราณนิษีทนสํสฺตรสามนฺตกาตฺ สุคตวิตสฺติรฺ อาทาตวฺยา นวสฺย ทุรฺวรฺณีกรณาย อนาทาย เจทฺ ภิกฺษุะ ปุราณนิษีทนสํสฺตรสามนฺตกาตฺ สุคตวิตสฺติํ นวสฺย ทุรฺวรฺณีกรณาย นวํ นิษีทนสํสฺตรํ การเยตฺ กลฺยาณกามตามฺ อุปาทาย นิะสรฺคิกา ปาตยนฺติกา ๚๑๕๚

ภิโกฺษศฺ เจทฺ อธฺวานมารฺคปฺรติปนฺนสฺโยตฺปทฺเยรนฺนฺ เอฑกโลมานิ อากางฺกฺษตา เตน ภิกฺษุณา ปฺรติคฤหีตวฺยานิ ปฺรติคฤหฺย ยาวตฺ ตฺริโยชนปรมํ สฺวยํ หรฺตวฺยานฺยฺ อสติ หรฺตริ ตต อุตฺตรํ หเรนฺ นิะสรฺคิกา ปาตยนฺติกา ๚๑๖๚

ยะ ปุนรฺ ภิกฺษุรฺ อชฺญาตฺยา ภิกฺษุณฺยา เอฑกโลมานิ ธาวเยทฺ วา รญฺชเยทฺ วา วิชฏเยทฺ วา นิะสรฺคิกา ปาตยนฺติกา ๚๑๗๚

ยะ ปุนรฺ ภิกฺษุะ สฺวหสฺตํ รูปฺยมฺ อุทฺคฤหฺณียาทฺ วา อุทฺคฺราหเยทฺ วา นิะสรฺคิกา ปาตยนฺติกา ๚๑๘๚

ยะ ปุนรฺ ภิกฺษุรฺ นานาปฺรการํ รูปฺยวฺยวหารํ สมาปทฺเยต นิะสรฺคิกา ปาตยนฺติกา ๚๑๙๚

ยะ ปุนรฺ ภิกฺษุรฺ นานาปฺรการํ กฺรยวิกฺรยํ สมาปทฺเยต นิะสรฺคิกา ปาตยนฺติกา ๚๒๐๚

ทศาหปรมํ ภิกฺษุณา อติริกฺตํ ปาตฺรํ ธารยิตวฺยํ ตต อุตฺตรํ ธารเยนฺ นิะสรฺคิกา ปาตยนฺติกา ๚๒๑๚

ยะ ปุนรฺ ภิกฺษุะ สติ ปาริโภคีเย ปาเตฺร อูนปญฺจพนฺธเน อนฺยํ นวํ ปาตฺรํ วิชฺญาปเยตฺ กลฺยาณกามตามฺ อุปาทาย นิะสรฺคิกา ปาตยนฺติกา ฯ เตน ภิกฺษุณา ตตฺ ปาตฺรํ ภิกฺษุปริษทิ นิะสฤษฺฏวฺยํ ยสฺ ตสฺยํา ภิกฺษุปริษทิ ปาตฺรปรฺยนฺตะ ส ตสฺยานุปฺรทาตวฺยะ อิทํ เต ภิโกฺษ ปาตฺรํ น วิสรฺชยิตวฺยํ น วิกลฺปยิตวฺยํ ยาวทฺ เภทาทฺ ธารยิตวฺยํ อิยํ ตตฺร สามีจิะ ๚๒๒๚

ยะ ปุนรฺ ภิกฺษุะ สฺวยาจิตํ สูตฺรํ วิชฺญปฺย อชฺญาตินา ตนฺตฺรวาเยน จีวรํ วายเยนฺ นิะสรฺคิกา ปาตยนฺติกา ๚๒๓๚

ภิกฺษุํ เจทฺ อุทฺทิศฺย อชฺญาติรฺ คฤหปติรฺ คฤหปติปตฺนี วา ตนฺตฺรวาเยน จีวรํ วายเยตฺ ตตฺร เจตฺ ส ภิกฺษุะ ปูรฺวมฺ อปฺรวาริตะ สมาน อุปสํกฺรมฺย ตํ ตนฺตฺรวายํ กํจิทฺ เอว วิกลฺปมฺ อาปทฺยนฺนฺ เอวํ วเททฺ ยทฺ อายุษฺมํ ตนฺตฺรวาย ชานาสิ อิทํ จีวรํ มามฺ อุทฺทิศฺย อูยเต สาธฺวฺ อายุษฺมานฺ เอตจฺ จีวรํ สูตํ จ กโรตุ สุลิขิตํ จ สุวิสฺตฤตํ จ สุตกฺษิตํ จ อปฺยฺ เอว วยมฺ อายุษฺมตะ กิํจิทฺ เอว มาตฺรมฺ อุปสํหริษฺยามะ ปิณฺฑปาตํ วา ปิณฺฑปาตมาตฺรํ วา ปิณฺฑปาตสํวรํ วา
เอวํ เจตฺ ส ภิกฺษุสฺ ตํ ตนฺตฺรวายํ สํชฺญปฺย วา สํชฺญาปฺย วา ตตะ ปศฺจาตฺ กิํจิทฺ เอว มาตฺรมฺ อุปสํหเรทฺ ปิณฺฑปาตํ วา ปิณฺฑปาตมาตฺรํ วา ปิณฺฑปาตสํวรํ วา จีวรสฺยาภินิษฺปตฺตเย อภินิษฺปนฺเน จีวเร นิะสรฺคิกา ปาตยนฺติกา ๚๒๔๚

ยะ ปุนรฺ ภิกฺษุรฺ ภิโกฺษะ ปาตฺรํ วา จีวรํ วา ทตฺตฺวา ตตะ ปศฺจาทฺ อภิษกฺตะ กุปิตศฺ จณฺฑีกฤโต ‘นาปฺตมนา อาจฺฉินฺทฺยาทฺ อาจฺเฉทเยทฺ วา อานย ภิโกฺษ จีวรํ น เต ภูโย ททามีติ เตน ภิกฺษุณา ส วสฺตุเศโษ นิะสฤษฺฏวฺโย ภวติ จาสฺย นิะสรฺคิกา ปาตยนฺติกา ๚๒๕๚

มาสเศเษ คฺรีษฺเม ภิกฺษุณา วรฺษาศาฏีจีวรํ ปรฺเยษิตวฺยํ ยาวทฺ อรฺธมาสกฤตาสุ วรฺษาสุ ธารยิตวฺยํ ฯ อรฺวากฺ เจทฺ ภิกฺษุรฺ มาสเศษาทฺ คฺรีษฺมาทฺ วรฺษาศาฏีจีวรํ ปรฺเยเษต อูรฺธฺวํ จารฺธมาสกฤตาสุ วรฺษาสุ ธารเยนฺ นิะสรฺคิกา ปาตยนฺติกา ๚๒๖๚

ทศาหานาคตายํา ปฺรวารณายํา ภิโกฺษรฺ อุตฺปทฺเยตากาลจีวรมฺ อากํากฺษตา เตน ภิกฺษุณา ปฺรติคฤหีตวฺยํ ปฺรติคฤหฺย ยาวจฺ จีวรกาลสมยานฺ นิกฺษิปฺตวฺยํ ตต อุตฺตรมฺ อุปนิกฺษิเปนฺ นิะสรฺคิกา ปาตยนฺติกา ๚๒๗๚

ตฺรโยมาสานาคเต การฺตฺติเก ปูรฺณมาเส อูนวรฺษารณฺยโก ภิกฺษุรฺ อารณฺยเกษุ ศยฺยาสเนษูปคตะ สฺยาตฺ สาศงฺกสํมเตษุ สภยสํมเตษุ สปฺรติภยไภรวสํมเตษุ
อากํากฺษตารณฺยเกน ภิกฺษุณา ตฺรยาณํา จีวราณามฺ อนฺยตมานฺยตมํ จีวรมฺ อนฺตรฺคฤเห อุปนิกฺษิปฺตวฺยํ สฺยาทฺ อารณฺยกสฺย ภิโกฺษสฺ ตถารูปปฺรตฺยโย พหิะสีมํ คนฺตุํ ษฑฺราตฺรปรมมฺ อารณฺยเกน ภิกฺษุณา ตตศฺ จีวราทฺ วิปฺรวสฺตวฺยํ ตต อุตฺตรํ วิปฺรวเสนฺ นิะสรฺคิกา ปาตยนฺติกา ๚๒๘๚

ยะ ปุนรฺ ภิกฺษุรฺ ชานํ สําฆิกํ ลาภํ ปริณตมฺ อาตฺมนะ ปริณามเยนฺ นิะสรฺคิกา ปาตยนฺติกา ๚๒๙๚

ยานิ ตานิ ภควตา คฺลานานํา ภิกฺษูณํา สําเปฺรยาณิ ปฺรติเษวนียานิ ไภษชฺยานฺยฺ อนุชฺญาตานิ ตทฺยถา สรฺปิสฺ ไตลํ มธุ ผาณิตํ สปฺตาหปรมํ ตานิ คฺลาเนน ภิกฺษุณา สํนิธิการปริโภเคน ปริโภกฺตวฺยานิ ตต อุตฺตรํ ปริภุญฺชีต นิะสรฺคิกา ปาตยนฺติกา ๚๓๐๚

อุทฺทิษฺฏา มยายุษฺมนฺตสฺ ตฺริํศนฺ นิะสรฺคิกาะ ปาตยนฺติกา ธรฺมาสฺ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[ปาตยนฺติกา ธรฺมาะ]

อิเม ปุนรฺ อายุษฺมนฺโต นวติ ปาตยนฺติกา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ฯ

สํปฺรชานมฤษาวาทาตฺ ปาตยนฺติกา ๚๑๚

อปกรฺษวาทาตฺ ปาตยนฺติกา ๚๒๚

ภิกฺษุไปศุนฺยาตฺ ปาตยนฺติกา ๚๓๚

ยะ ปุนรฺ ภิกฺษุรฺ ชานํ สํเฆน ยถาธรฺมํ นิกฺษิปฺตมฺ อธิกรณํ ปุนะ กรฺมณฺยฺ อุตฺโกฏเยตฺ ปาตยนฺติกา ๚๔๚

ยะ ปุนรฺ ภิกฺษุรฺ มาตฤคฺรามสฺโยตฺตรํษฏฺปญฺจิกยา วาจา ธรฺมํ เทศเยทฺ อนฺยตฺร วิชฺญปุรุษาตฺ ปาตยนฺติกา ๚๕๚

ยะ ปุนรฺ ภิกฺษุรฺ อนุปสํปนฺเนน ปุทฺคเลน สารฺธํ ปทโศ ธรฺมํ วาจเยตฺ ปาตยนฺติกา ๚๖๚

ยะ ปุนรฺ ภิกฺษุรฺ อนุปสํปนฺนสฺย ปุทฺคลสฺโยตฺตรํมนุษฺยธรฺมมฺ อาโรจเยทฺ ภูตํ ปาตยนฺติกา ๚๗๚

ยะ ปุนรฺ ภิกฺษุรฺ ภิโกฺษรฺ ชานํ ทุษฺฐูลามฺ อาปตฺติมฺ อนุปสํปนฺนสฺย ปุทฺคลสฺยานฺติเก อาโรจเยทฺ อนฺยตฺร สํฆสํมตฺยา ปาตยนฺติกา ๚๘๚

ยะ ปุนรฺ ภิกฺษุะ ปูรฺวํ สมนุชฺญโก ภูตฺวา ตตะ ปศฺจาทฺ เอวํ วเททฺ ยถา สํสฺตุตานามฺ อิเม ภิกฺษวะ สําฆิกํ ลาภํ ปริณามยนฺตีติ ปาตยนฺติกา ๚๙๚

ยะ ปุนรฺ ภิกฺษุะ ปฺราติโมกฺษสูโตฺรทฺทิศฺยมาเน เอวํ วเทตฺ กิํ ปุนรฺ เอภิะ กฺษุทฺรานุกฺษุไทฺระ ศิกฺษาปไทรฺ อุทฺทิษฺไฏรฺ ยานิ ภิกฺษูณํา เกากฤตฺยาย วิเลขาย วิเหฐาย สํวรฺตนฺตีติ ศิกฺษาวิทณฺฑนาตฺ ปาตยนฺติกา ๚๑๐๚

พีชคฺรามภูตคฺรามปาตนาตฺ ปาตยนฺติกา ๚๑๑๚

อวธฺยานกฺษิปณาตฺ ปาตยนฺติกา ๚๑๒๚

อนฺยวาทวิเหฐนาตฺ ปาตยนฺติกา ๚๑๓๚

ยะ ปุนรฺ ภิกฺษุะ สําฆิกํ ศยฺยาสนํ ปีฐํ วา มญฺจํ วา พฺริสิํ วา กุรฺจํ วา อภฺยวกาเศ ปฺรชฺญปฺย ตตะ ปฺรกฺรเมนฺ โนทฺธเรนฺ โนทฺธารเยทฺ วา ปาตยนฺติกา ๚๑๔๚

ยะ ปุนรฺ ภิกฺษุะ สําฆิเก วิหาเร ศยฺยํา สํสฺตีรฺย วา สํสฺตารเยทฺ วา ตตะ ปฺรกฺรเมนฺ โนทฺธเรนฺ โนทฺธารเยทฺ วา ปาตยนฺติกา ๚๑๕๚

ยะ ปุนรฺ ภิกฺษุรฺ อภิษกฺตะ กุปิตศฺ จณฺฑีกฤโต ‘นาปฺตมนาะ สําฆิกาทฺ วิหาราทฺ ภิกฺษุํ นิษฺกรฺเษนฺ นิษฺกรฺษเยทฺ วา จร ปเรณ โมหปุรุษ นศฺย ตฺวํ น ตฺวเยห วสฺตวฺยมฺ อิทมฺ เอว ปฺรตฺยยํ กฤตฺวา นานฺยถาตฺ ปาตยนฺติกา ๚๑๖๚

ยะ ปุนรฺ ภิกฺษุะ สําฆิเก วิหาเร ชานํ ปูรฺโวปคตํา ภิกฺษูํ ปศฺจาทฺ อาคตฺยานุปฺรสฺกทฺย ศยฺยํา กลฺปเยทฺ ยสฺย สํพาธํ ภวิษฺยติ ส ปฺรกฺรมิษฺยตีติ อิทมฺ เอว ปฺรตฺยยํ กฤตฺวา นานฺยถาตฺ ปาตยนฺติกา ๚๑๗๚

ยะ ปุนรฺ ภิกฺษุะ สําฆิเก วิหาเร อุปริวิหายสิกุฏิกายามฺ อหารฺยปาทเก ปีเฐ วา มญฺเจ วา พเลน นิษีเททฺ วา นิปทฺเยทฺ วา ปาตยนฺติกา ๚๑๘๚

ยะ ปุนรฺ ภิกฺษุะ สปฺราณเกโนทเกน ตฤณํ วา มฤตฺติกํ วา สิํเจตฺ เสจเยทฺ วา ปาตยนฺติกา ๚๑๙๚

มหลฺลกํ ภิกฺษุณา วิหารํ การยตา ยาวทฺ ทฺวารโกศารฺคฑสฺถาปน อาโลกสํธิภูมิปริกรฺมฺ๚ฯ…๚ฯนา ทฺเวา ตฺรโย วาจฺฉาทนปถาะ สํจโร๚ฯ…๚ฯวฺยาธิษฺฐาตวฺยา ตต อุตฺตรมฺ อธิติษฺเฐตฺ ปาตยนฺติกา ๚๒๐๚

ยะ ปุนรฺ ภิกฺษุรฺ อสํมตะ สํเฆน ภิกฺษุณีรฺ อววเทตฺ ปาตยนฺติกา ๚๒๑๚

สํมโต ‘ตฺราปิ ภิกฺษุรฺ ยาวตฺ สูรฺยาสฺตํคมนกาลสมยาทฺ ภิกฺษุณีรฺ อววเทตฺ ปาตยนฺติกา ๚๒๒๚

ยะ ปุนรฺ ภิกฺษุรฺ เอวํ วเททฺ อามิษเหโตรฺ ภิกฺษโว ภิกฺษุณีรฺ อววทนฺตีติ ปาตยนฺติกา ๚๒๓๚

ยะ ปุนรฺ ภิกฺษุรฺ ภิกฺษุณฺยา สารฺธํ สํวิธาย สมานมารฺคํ ปฺรติปทฺเยตานฺตโต คฺรามานฺตรมฺ อปิ อนฺยตฺร สมยาตฺ ปาตยนฺติกา ตตฺรายํ สมยะ สารฺถคมนีโย มารฺโค ภวติ สาศงฺกสํมตะ สภยสํมตะ สปฺรติภยไภรวสํมโต ‘ยํ ตตฺร สมยะ ๚๒๔๚

ยะ ปุนรฺ ภิกฺษุรฺ ภิกฺษุณฺยา สารฺธํ สํวิธาไยกนาวมฺ อภิรุเหทฺ อูรฺธฺวคามินีํ วาโธคามินีํ วานฺยตฺร ตีรฺยกฺปารสํตรณาตฺ ปาตยนฺติกา ๚๒๕๚

ยะ ปุนรฺ ภิกฺษุรฺ อชฺญาตฺยา ภิกฺษุณฺยาศฺ จีวรํ กุรฺยาตฺ ปาตยนฺติกา ๚๒๖๚

ยะ ปุนรฺ ภิกฺษุรฺ อชฺญาตฺยา ภิกฺษุณฺยาศฺ จีวรํ ททฺยาตฺ ปาตยนฺติกา ๚๒๗๚

ยะ ปุนรฺ ภิกฺษุรฺ ภิกฺษุณฺยา สารฺธมฺ เอกากี รหสิ ปฺรติจฺฉนฺเน นิษทฺยํา กลฺปเยตฺ ปาตยนฺติกา ๚๒๘๚

ยะ ปุนรฺ ภิกฺษุรฺ เอกากี มาตฤคฺราเมณ สารฺธมฺ อภฺยวกาเศ นิษทฺยํา กลฺปเยตฺ ปาตยนฺติกา ๚๒๙๚

ยะ ปุนรฺ ภิกฺษุรฺ ภิกฺษุณีปริปาจิตํ ปิณฺฑปาตํ ปริภุํชีตานฺยตฺร ปฺราคฺคฤหิสมารมฺภาตฺ ปาตยนฺติกา ๚๓๐๚

ปรํปรโภชนมฺ อนฺยตฺร สมยาตฺ ปาตยนฺติกา ตตฺรายํ สมโย คฺลานสมยศฺ จีวรทานกาลสมโย ‘ยํ ตตฺร สมยะ ๚๓๑๚

เอกาวสโถษิเตน ภิกฺษุณา อคฺลาเนไนกะ ปิณฺฑปาตะ ปริโภกฺตวฺยสฺ ตต อุตฺตรํ ปริภุํชีต ปาตยนฺติกา ๚๓๒๚

ภิกฺษวะ ปุนะ สํพหุลาะ กุลานฺยฺ อุปสํกฺรเมยุสฺ ตําศฺ เจจฺ ฉฺราทฺธา พฺราหฺมณคฤหปตโย ยาวทรฺถํ ปฺรวารเยยุะ ปูไปรฺ วา มนฺไถรฺ วา อากํากฺษมาไณสฺ ไตรฺ ภิกฺษุภิรฺ ทฺเวา ตฺรโย วา ปาตฺรปูราะ ปฺรติคฤหีตวฺยาสฺ ตต อุตฺตรํ ปฺรติคฤหฺณียุะ ปาตยนฺติกา ฯ ทฺเวา ตฺรีํ วา ปาตฺรปูรํา ปฺรติคฤหฺย พหิรฺ อารามํ นิษฺกฺรมฺย สนฺโต ภิกฺษวะ สํเวทยิตวฺยา อิยํ ตตฺร สามีจิะ ๚๓๓๚

ยะ ปุนรฺ ภิกฺษุรฺ ภุกฺตวํา ปฺรวาริตะ อกฤตาติริกฺตํ ขาทนียโภชนียํ ขาเททฺ วา ภุํชีต วา ปาตยนฺติกา ๚๓๔๚

ยะ ปุนรฺ ภิกฺษุรฺ ชานํ ภิกฺษุํ ภุกฺตวนฺตํ ปฺรวาริตมฺ อกฤตาติริกฺเตน ขาทนียโภชนีเยน ยาวทรฺถํ ปฺรวารเยทฺ อิทมฺ อายุษฺมํ ขาเทติ ภุํกฺษฺเวตฺยฺ อาสาทนเปฺรกฺษี กจฺจิทฺ เอษ ภิกฺษุรฺ มุหูรฺตมฺ อปฺยฺ อาสาทิตะ สฺยาทฺ อิทมฺ เอว ปฺรตฺยยํ กฤตฺวา นานฺยถา ปาตยนฺติกา ๚๓๕๚

คณโภชนมฺ อนฺยตฺร สมยาตฺ ปาตยนฺติกา ตตฺรายํ สมโย คฺลานสมยศฺ จีวรทานกาลสมยะ อธฺวานมารฺคสมยะ นาวาธิโรหณํ มหาสมาชศฺรมณภกฺตสมโย ‘ยํ ตตฺร สมยะ ๚๓๖๚

ยะ ปุนรฺ ภิกฺษุรฺ อกาเล ขาทนียโภชนียํ ขาเททฺ วา ภุํชีต วา ปาตยนฺติกา ๚๓๗๚

ยะ ปุนรฺ ภิกฺษุะ สํนิหิตํ ขาทนียโภชนียํ ขาเททฺ วา ภุํชีต วา ปาตยนฺติกา ๚๓๘๚

ยะ ปุนรฺ ภิกฺษุรฺ อปริคฤหีตมฺ อาหารํ มุขทฺวาเรณาหเรทฺ อนฺยโตฺรทกทนฺตกาษฺฐาภฺยํา ปาตยนฺติกา ๚๓๙๚

ยานิ ปุนสฺ ตานิ กุเลษุ ปฺรณีตโภชนานฺยฺ อนุชฺญาตานิ ตทฺยถา กฺษีรํ ทธิ นวนีตํ สรฺปิสฺ ไตลํ มตฺสฺโย มําสวลฺลูรา ยะ ปุนรฺ ภิกฺษุรฺ เอวํรูปาณิ ปฺรณีตโภชนานฺยฺ อาตฺมารฺถมฺ อคฺลาโน วิชฺญปเยตฺ ปาตยนฺติกา ๚๔๐๚

ยะ ปุนรฺ ภิกฺษุรฺ ชานํ สปฺราณกมฺ อุทกํ ปริภุํชีต ปาตยนฺติกา ๚๔๑๚

ยะ ปุนรฺ ภิกฺษุะ สโภชเน กุเล อนุปฺรสฺกทฺย อาสเน นิษทฺยํา กลฺปเยตฺ ปาตยนฺติกา ๚๔๒๚

ยะ ปุนรฺ ภิกฺษุะ สโภชเน กุเล เอกากี เอกยา รหสิ ปฺรติจฺฉนฺเน นิษทฺยํา กลฺปเยตฺ ปาตยนฺติกา ๚๔๓๚

ยะ ปุนรฺ ภิกฺษุรฺ อเจลกสฺย ปริวฺราชกสฺย วา ปริวฺราชิกายา วา สฺวหสฺตํ ขาทนียโภชนียํ ททฺยาตฺ ปาตยนฺติกา ๚๔๔๚

ยะ ปุนรฺ ภิกฺษุรฺ อุทฺยุกฺตํา เสนํา ทรฺศนาโยปสํกฺรเมทฺ อนฺยตฺรสฺ ตถารูปปฺรตฺยยาตฺ ปาตยนฺติกา ๚๔๕๚

สฺยาทฺ ภิโกฺษสฺ ตถารูปปฺรตฺยโย เยโนทฺยุกฺตํา เสนํา คจฺเฉทฺ ทฺวิราตฺรปรมํ เตน ภิกฺษุณา ตตฺร เสนายํา วสฺตวฺยํ ตต อุตฺตรํ วเสตฺ ปาตยนฺติกา ๚๔๖๚

ทฺวิราตฺรปรมํ เจทฺ ภิกฺษุะ เสนายํา วสตฺยฺ อุทฺยูถิกํา เสนํา ทรฺศนาโยปสํกฺรเมทฺ ธฺวชาคฺรํ วา พลาคฺรํ วา เสนาวฺยูหํ วา อนีกทรฺศนํ วา ปาตยนฺติกา ๚๔๗๚

ยะ ปุนรฺ ภิกฺษุรฺ อภิษกฺตะ กุปิตศฺ จณฺฑีภูโต ‘นาปฺตมนา ภิโกฺษะ ปฺรหารํ ททฺยาตฺ ปาตยนฺติกา ๚๔๘๚

ยะ ปุนรฺ ภิกฺษุรฺ อภิษกฺตะ กุปิตศฺ จณฺฑีภูโต ‘นาปฺตมนา ภิโกฺษสฺ ตลศกฺติกยา ปฺรหารมฺ อวคุเรตฺ ปาตยนฺติกา ๚๔๙๚

ยะ ปุนรฺ ภิกฺษุรฺ ภิโกฺษรฺ ชานํ ทุษฺฐูลาปตฺติํ ปฺรติจฺฉาทเยทฺ อนฺตต เอกราตฺรมฺ อปิ ปาตยนฺติกา ๚๕๐๚

ยะ ปุนรฺ ภิกฺษุรฺ ภิกฺษุมฺ เอวํ วเททฺ เอหฺยฺ อายุษฺมํ กุลานฺยฺ อุปสํกฺรมิษฺยาวสฺ ตตฺร เต ทาปยิษฺยามิ ปฺรณีตํ ขาทนียโภชนียํ ส ตสฺย ภิโกฺษรฺ อทาปยิตฺวา ตตะ ปศฺจาทฺ เอวํ วเททฺ คจฺฉ ตฺวมฺ อายุษฺมนฺ น เม ตฺวยา สารฺธํ ผาษํ กถา วา นิษทฺยา วา เอกากิโน เม ผาษํ กถา วา นิษทฺยา วา อุทฺโยชนเปฺรกฺษี กจฺจิทฺ เอษ ภิกฺษุรฺ มุหูรฺตมฺ อปฺยฺ อุทฺโยชิตะ สฺยาทฺ เอตทฺ เอว ปฺรตฺยยํ กฤตฺวา นานฺยถา ปาตยนฺติกา ๚๕๑๚

ยะ ปุนรฺ ภิกฺษุรฺ อคฺลาโน วิตปนเปฺรกฺษี อภฺยวกาเศ ชฺโยติะ สมินฺธฺยาตฺ สเมธเยทฺ วานฺยตฺร ปฺรตฺยยาตฺ ปาตยนฺติกา ๚๕๒๚

ยะ ปุนรฺ ภิกฺษุรฺ อนุปสํปนฺเนน ปุทฺคเลน สารฺธมฺ อุตฺตรํทฺวิราตฺรํ สหาคารศยฺยํา กลฺปเยตฺ ปาตยนฺติกา ๚๕๓๚

ยะ ปุนรฺ ภิกฺษุรฺ ธารฺมิเก สํฆกรณีเย จฺฉนฺทํ ทตฺตฺวา ตตะ ปศฺจาตฺ เกฺษปธรฺมมฺ อาปทฺเยต ปาตยนฺติกา ๚๕๔๚

ยะ ปุนรฺ ภิกฺษุรฺ เอวํ วเทตฺ ตถาหํ ภควโต ธรฺมํ เทศิตมฺ อาชานามิ เย อนฺตรายิกา ธรฺมาสฺ ตํา ปฺรติเษวโต นาลมฺ อนฺตรายาเยติ ส ภิกฺษุรฺ ภิกฺษุภิรฺ เอวํ สฺยาทฺ วจนีโย มา ตฺวมฺ อายุษฺมนฺนฺ เอวํ วท ตถาหํ ภควโต ธรฺมํ เทศิตมฺ อาชานามิ เย อนฺตรายิกา ธรฺมาสฺ ตํา ปฺรติเษวโต นาลมฺ อนฺตรายาเยติ
มา ภควนฺตํ วิวท มา ภควนฺตมฺ อภฺยาขฺยาหิ น สาธุ ภควโต ‘ภฺยาขฺยานํ ภวติ น จ ปุนรฺ ภควานฺ เอวํ วเททฺ อเนกปรฺยาเยณ ภควตา อนฺตรายิกา ธรฺมาะ สมานา อนฺตรายิกา ธรฺมา อิตฺยฺ อุกฺตาสฺ ตําศฺ จ ปฺรติเษวโต ‘ลมฺ อนฺตรายาเยติ นิะสฤช ตฺวมฺ อายุษฺมนฺนฺ อิทมฺ เอวํรูปํ ปาปกํ ทฤษฺฏิคตมฺ
เอวํ เจตฺ ส ภิกฺษุรฺ ภิกฺษุภิรฺ อุจฺยมานสฺ ตทฺ วสฺตุ ปฺรตินิะสฤเชทฺ อิตฺยฺ เอวํ กุศลํ น เจตฺ ปฺรตินิะสฤเชทฺ ทฺวิรฺ อปิ ตฺริรฺ อปิ สมนุศาสิตวฺยสฺ ตสฺย วสฺตุนะ ปฺรตินิะสรฺคาย ทฺวิรฺ อปิ ตฺริรฺ อปิ สมนุศิษฺยมาณสฺ ตทฺ วสฺตุ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชตฺ ปาตยนฺติกา ๚๕๕๚

ยะ ปุนรฺ ภิกฺษุรฺ ชานํสฺ ตถาวาทินํ ปุทฺคลมฺ อกฤตานุธรฺมาณมฺ อปฺรตินิะสฤษฺเฏน ปาปเกน ทฤษฺฏิคเตน สํภุํชีต วา สํวเสทฺ วา เตน วา สารฺธํ สหาคารศยฺยํา กลฺปเยตฺ ปาตยนฺติกา ๚๕๖๚

ศฺรมโณทฺเทศศฺ เจทฺ เอวํ วเทตฺ ตถาหํ ภควโต ธรฺมํ เทศิตมฺ อาชานามิ ยตฺ กามํา ปฺรติเษวโต นาลมฺ อนฺตรายาเยติ ฯ ส ศฺรมโณทฺเทโศ ภิกฺษุภิรฺ เอวํ สฺยาทฺ วจนีโย มา ตฺวมฺ อายุษฺมํ ศฺรมโณทฺเทศ เอวํ วท ตถาหํ ภควโต ธรฺมํ เทศิตมฺ อาชานามิ ยตฺ กามํา ปฺรติเษวโต นาลมฺ อนฺตรายาเยติ
มา ภควนฺตํ วิวท มา ภควนฺตมฺ อภฺยาขฺยาหิ น สาธุ ภควโต ‘ภฺยาขฺยานํ ภวติ น จ ปุนรฺ ภควานฺ เอวํ วเททฺ อเนกปรฺยาเยณ ภควตา อนฺตรายิกาะ กามาะ สมานา อนฺตรายิกา อิตฺยฺ อุกฺตาสฺ ตําศฺ จ ปฺรติเษวโต ‘ลมฺ อนฺตรายาเยติ นิะสฤช ตฺวํ ศฺรมโณทฺเทศ อิทมฺ เอวํรูปํ ปาปกํ ทฤษฺฏิคตมฺ
เอวํ เจตฺ ส ศฺรมโณทฺเทโศ ภิกฺษุภิรฺ อุจฺยมานสฺ ตตฺ ปาปกํ ทฤษฺฏิคตํ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชทฺ ทฺวิรฺ อปิ ตฺริรฺ อปิ สมนุศาสิตวฺยสฺ ตสฺย วสฺตุนะ ปฺรตินิะสรฺคาย ส ยาวทฺ ทฺวิรฺ อปิ ตฺริรฺ อปิ สมนุศิษฺยมาณะ สเจตฺ ปฺรตินิะสฤเชทฺ อิตฺยฺ เอวํ กุศลํ โน เจตฺ ปฺรตินิะสฤเชตฺ ส ศฺรมโณทฺเทโศ ภิกฺษุภิรฺ เอวํ สฺยาทฺ วจนียะ
อทฺยาเคฺรณ เต ศฺรมโณทฺเทศ น ส ภควํา ศาสฺตา วฺยปเทษฺฏวฺโย นาปฺยฺ อนฺเย ภิกฺษวะ สมนุพนฺธิตวฺยา ยามฺ อปฺยฺ อนฺเย ศฺรมโณทฺเทศา ลภนฺเต ภิกฺษุภิะ สารฺธํ ทฺวิราตฺรํ สหาคารศยฺยํา สาปิ เต อทฺยาเคฺรณ นาสฺติ จร ปเรณ โมหปุรุษ นศฺย ตฺวํ น ตฺวเยห วสฺตวฺยมฺ อิติ ฯ
ยะ ปุนรฺ ภิกฺษุรฺ ชานํสฺ ตถานาศิตํ ศฺรมโณทฺเทศมฺ อุปสฺถาปเยทฺ วา อุปลาฑเยทฺ วา เตน วา สารฺธํ สหาคารศยฺยํา กลฺปเยตฺ ปาตยนฺติกา ๚๕๗๚

ยะ ปุนรฺ ภิกฺษุ รตฺนํ วา รตฺนสํมตํ วา สฺวหสฺตมฺ อุทฺคฤหฺณียาทฺ อุทฺคฺราหเยทฺ วา อนฺยตฺราธฺยารามคตาทฺ วา อธฺยาวาสคตาทฺ วา ปาตยนฺติกา อธฺยารามคตํ อธฺยาวาสคตํ รตฺนํ วา รตฺนสํมตํ วา เอวํจิตฺเตโนทฺคฤหีตวฺยมฺ อุทฺคฺราหยิตวฺยํ วา ยสฺย ภวิษฺยติ ส เอนํ หริษฺยติ อิยํ ตตฺร สามีจิะ ๚๕๘๚

นวจีวรปฺรติลาภาทฺ ภิกฺษุณา ตฺรยาณํา ทุรฺวรฺณีกรณานามฺ อนฺยตมานฺยตมมฺ อาทาตวฺยํ นวสฺย ทุรฺวรฺณีกรณาย นีลํ วา กรฺทโม วา กาฑิศาโม วา อนาทาย เจทฺ ภิกฺษุสฺ ตฺรยาณํา ทุรฺวรฺณีกรณานามฺ อนฺยตมานฺยตมํ ทุรฺวรฺณีกรณํ นวํ จีวรํ ปริภุํชีต ปาตยนฺติกา ๚๕๙๚

อรฺธมาสิกํ สฺนาตฺรมฺ อนฺยตฺร สมยาตฺ ตทติกฺรามตะ ปาตยนฺติกา ตตฺรายํ สมยะ สารฺโธ มาสะ เศโษ คฺรีษฺมสฺย ปูรฺโว มาโส วรฺษาณามฺ เอเตา สารฺเธา ทฺเวา มาเสา ปริทาฆสมยะ อวศิษฺฏํ คฺลานสมยะ กรฺมสมโย วาตสมโย วฤษฺฏิสมโย ‘ธฺวานมารฺคสมโย ‘ยํ ตตฺร สมยะ ๚๖๐๚
ยะ ปุนรฺ ภิกฺษุะ สํจินฺตฺย ตีรฺยคฺโยนิคตํ ปฺราณินํ ชีวิตาทฺ วฺยปโรปเยตฺ ปาตยนฺติกา ๚๖๑๚

ยะ ปุนรฺ ภิกฺษุรฺ ภิโกฺษะ สํจินฺตฺย เกากฤตฺยมฺ อุปสํหเรทฺ วิเหฐนาเปฺรกฺษี กจฺจิทฺ อสฺย ภิโกฺษรฺ มุหูรฺตมฺ อปิ ตาวทฺ อผาษํ ภเวทฺ อิทมฺ เอว ปฺรตฺยยํ กฤตฺวา นานฺยถา ปาตยนฺติกา ๚๖๒๚

องฺคุลิปฺรโตทนาตฺ ปาตยนฺติกา ๚๖๓๚

อุทกหรฺษณาตฺ ปาตยนฺติกา ๚๖๔๚

ยะ ปุนรฺ ภิกฺษุรฺ มาตฤคฺราเมณ สารฺธํ สหาคารศยฺยํา กลฺปเยตฺ ปาตยนฺติกา ๚๖๕๚

ยะ ปุนรฺ ภิกฺษุรฺ ภิกฺษุํ ภีษเยทฺ ภีษาปเยทฺ วา อนฺตโต หาสฺยเปฺรกฺษฺยมฺ อปิ ปาตยนฺติกา ๚๖๖๚

ยะ ปุนรฺ ภิกฺษุรฺ ภิโกฺษะ ปาตฺรํ วา จีวรํ วา กุญฺจิกํ วา อุปานหํ วา สูจีฆรกํ วา อนฺยตมานฺยตมํ วา ศฺรามณกํ ปริษฺการมฺ อุปนิทธฺยาทฺ อุปนิธาปเยทฺ วา อนฺตโต หาสฺยเปฺรกฺษฺยมฺ อปิ ปาตยนฺติกา ๚๖๗๚

ยะ ปุนรฺ ภิกฺษุรฺ ภิโกฺษะ ปาตฺรํ วา จีวรมฺ วา ทตฺตฺวา ตตะ ปศฺจาทฺ อปฺรตฺยุทฺธารฺย ปริภุํชีต ปาตยนฺติกา ๚๖๘๚

ยะ ปุนรฺ ภิกฺษุรฺ ภิกฺษุมฺ อมูลเกน สํฆาวเศเษณ ธรฺเมณานุธฺวํสเยตฺ ปาตยนฺติกา ๚๖๙๚

ยะ ปุนรฺ ภิกฺษุรฺ มาตฤคฺราเมณ สารฺธํ สํวิธาย สมานมารฺคํ ปฺรติปทฺเยต อนฺตโต คฺรามานฺตรมฺ อปิ ปาตยนฺติกา ๚๗๐๚

ยะ ปุนรฺ ภิกฺษุะ สฺเตยสารฺเถน สารฺธํ สํวิธาย สมานมารฺคํ ปฺรติปทฺเยต อนฺตโต คฺรามานฺตรมฺ อปิ ปาตยนฺติกา ๚๗๑๚

ยะ ปุนรฺ ภิกฺษุรฺ อูนวิํศติวรฺษํ ปุทฺคลํ ภิกฺษุภาเวโนปสํปาทเยตฺ ปาตยนฺติกา ส จ ปุทฺคโล ‘นุปสํปนฺนสฺ เต จ ภิกฺษโว ครฺหฺยา อิยํ ตตฺร สามีจิะ ๚๗๒๚

ยะ ปุนรฺ ภิกฺษุะ ปฤถิวีํ ขนฺยาตฺ ขานเยทฺ วา ปาตยนฺติกา ๚๗๓๚

จตุรฺมาสิกา ภิกฺษุณา ปฺรวารณา สาธยิตวฺยา อนฺยตฺร นิตฺยปฺรวารณายา อนฺยตฺร ปุนะปุนะปฺรวารณายา อนฺยตฺร ปฺรตฺเยกปฺรวารณายา ตต อุตฺตรํ สาธเยตฺ ปาตยนฺติกา ๚๗๔๚

ยะ ปุนรฺ ภิกฺษุรฺ ภิกฺษุภิรฺ อุจฺยมาน อิห เต ศิกฺษายํา ศิกฺษิตวฺยมฺ อิตฺยฺ เอวํ วเทนฺ นาหํ ยุษฺมากํ พาลานํา มูฒานํา ทุษฺปฺรชฺญานํา วจเนนาตฺร ศิกฺษายํา ศิกฺษิษฺยามิ อนฺยานฺ อหํ ภิกฺษูํ ปฺรกฺษฺยามิ สูตฺรธรานฺ วินยธรานฺ มาตฤกาธรานฺ อิติ ปาตยนฺติกา ฯ อาชฺญาตุกาเมน ภิกฺษุณา ตตฺร ศิกฺษายํา ศิกฺษิตวฺยํ ภิกฺษวศฺ จ ปฺรษฺฏวฺยาะ สูตฺรธรา วินยธรา มาตฤกาธราะ ฯ อิยํ ตตฺร สามีจิะ ๚๗๕๚

ยะ ปุนรฺ ภิกฺษุรฺ ภิกฺษูณํา กลหชาตานํา ภณฺฑนชาตานํา วิคฤหีตานํา วิวาทมฺ อาปนฺนานํา ตูษฺณีมฺ อุปศฺรุติกสฺ ติษฺเฐทฺ ยทฺ เอเต ภิกฺษโว วกฺษฺยนฺติ ตทฺ อหํ ศฺรุตฺวา ตถานุวฺยาหริษฺยามีติ ปาตยนฺติกา ๚๗๖๚

ยะ ปุนรฺ ภิกฺษุะ สํฆสฺย นิศฺจิตายํา กถายํา วรฺตมานายํา ตูษฺณีมฺ อุตฺถาย ปฺรกฺรเมตฺ สํตํ ภิกฺษุมฺ อนวโลกฺย ปาตยนฺติกา ๚๗๗๚
อนาทเรยกาตฺ ปาตยนฺติกา ๚๗๘๚

สุราไมเรยมทฺยปานาตฺ ปาตยนฺติกา ๚๗๙๚

ยะ ปุนรฺ ภิกฺษุรฺ อกาเล คฺรามํ ปฺรวิเศตฺ สนฺตํ ภิกฺษุมฺ อนวโลกฺยานฺยตฺร ตถารูปปฺรตฺยยาตฺ ปาตยนฺติกา ๚๘๐๚

ยะ ปุนรฺ ภิกฺษุะ สภกฺตํ? กุเลษูปนิมนฺตฺริตะ ปูรฺวภกฺตํ ปศฺจาทฺภกฺตํ กุเลษุ จาริตฺรมฺ อาปทฺเยต ปาตยนฺติกา ๚๘๑๚

ยะ ปุนรฺ ภิกฺษุ ราชฺญะ กฺษตฺริยสฺย มูรฺธาภิษิกฺตสฺย อนิษฺกฺรานฺเต ราชฺญิ อนิรฺคฤหีเตษุ รตฺเนษุ อินฺทฺรกีลํ วา อินฺทฺรกีลภูมิํ วา สมติกฺรเมทฺ อนฺยตฺร ตถารูปปฺรตฺยยาตฺ ปาตยนฺติกา ๚๘๒๚

ยะ ปุนรฺ ภิกฺษุะ ปฺราติโมกฺษสูโตฺรทฺทิศฺยมาเน เอวํ วเททฺ อิทานีมฺ อหํ ชานามิ ยทฺ อยํ ธรฺมะ สูตฺรคตะ สูตฺรปรฺยาปนฺน อิติ ตํ จ ภิกฺษโว ชานียุะ สํนิษณฺณปูรฺโว ‘ยมฺ อายุษฺมํา ทฺวิสฺ ตฺริะ ปฺราติโมกฺษสูโตฺรทฺเทเศ กะ ปุนรฺ วาโท ภูย อิติ ตสฺย ปุนรฺ ภิโกฺษรฺ นาสฺตฺยฺ อชฺญานานฺ โมโกฺษ
ยํา จาปตฺติมฺ อาปนฺนะ สฺยาตฺ ตํา ยถาธรฺมํ การยิตวฺย อุตฺตรญฺ จ สํเวชยิตวฺยสฺ ตสฺย เต อายุษฺมนฺนฺ อลาโภ น ลาภะ ทุรฺลพฺโธ น สุลพฺธะ โย หิ นาม ตฺวมฺ อนฺวรฺธมาสํ ปฺราติโมกฺษสูโตฺรทฺทิศฺยมาเน น สตฺกฤตฺยารฺถีกฤตฺวา น คุรุกฤตฺวา น มนสีกฤตฺวา ไนกาคฺรจิตฺโต นาวหิตโศฺรโตฺร น สรฺวเจตสา สมนฺวาหฤตฺย ศฤโณษิ อิยํ ตสฺย สํเวชนาตฺ ปาตยนฺติกา ๚๘๓๚

ยะ ปุนรฺ ภิกฺษุรฺ อสฺถิมยํ ทนฺตมยํ วิษาณมยํ วา สูจีฆรกํ การเยตฺ ปาตยนฺติกา ๚๘๔๚

ปีฐํ วา ภิกฺษุณา มญฺจํ วา การยตา สุคตาษฺฏางฺคุลิปฺรมาณาะ ปาทาะ การยิตวฺยา อนฺยตฺรารณฺยาสฺ ตต อุตฺตรํ การเยตฺ ปาตยนฺติกา ๚๘๕๚

ยะ ปุนรฺ ภิกฺษุสฺ ตูลสํสฺตฤตํา ศยฺยามฺ อวนเหทฺ อวนาหเยทฺ วา ปาตยนฺติกา ๚๘๖๚

วรฺษาศาฏีจีวรํ ภิกฺษุณา การยตา ปฺรามาณิกํ การยิตวฺยํ ตเตฺรทํ ปฺรมาณํ ทีรฺฆตะ ษฑฺ วิตสฺตยะ สุคตวิตสฺตฺยา ตีรฺยกฺ สารฺเธ ทฺเว ตต อุตฺตรํ การเยตฺ ปาตยนฺติกา ๚๘๗๚

กณฺฑุปฺรติจฺฉาทนํ ภิกฺษุณา การยตา ปฺรามาณิกํ การยิตวฺยํ ตเตฺรทํ ปฺรมาณํ ทีรฺฆตศฺ จตโสฺร วิตสฺตยะ สุคตวิตสฺตฺยา ตีรฺยคฺ ทฺเว ตต อุตฺตรํ การเยตฺ ปาตยนฺติกา ๚๘๘๚

นิษีทนํ ภิกฺษุณา การยตา ปฺรามาณิกํ การยิตวฺยํ ตเตฺรทํ ปฺรมาณํ ทีรฺฆโต วิตสฺตี ทฺเว สุคตวิตสฺตฺยา ตีรฺยกฺ สารฺธวิตสฺติรฺ ทศานํา จ วิตสฺติสฺ ตต อุตฺตรํ การเยตฺ ปาตยนฺติกา ๚๘๙๚

ยะ ปุนรฺ ภิกฺษุะ สุคตจีวรปฺรมาเณน จีวรํ การเยทฺ อุตฺตรํ วา สุคตจีวราตฺ ปาตยนฺติกา ฯ ตเตฺรทํ สุคตจีวรปฺรมาณํ ทีรฺฆโต นว วิตสฺตยะ สุคตวิตสฺตฺยา ตีรฺยกฺ ษฑฺ อิทํ ตตฺร สุคตจีวรปฺรมาณํ ๚๙๐๚

อุทฺทิษฺฏา มยายุษฺมนฺโต นวติ ปาตยนฺติกา ธรฺมาสฺ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธา ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[ปฺรติเทศนียา ธรฺมาะ]

อิเม ปุนรฺ อายุษฺมนฺตศฺ จตฺวาระ ปฺรติเทศนียา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ๚

ยะ ปุนรฺ ภิกฺษุรฺ อคฺลาโน ‘นฺตรฺคฤหํ ปิณฺฑาย จรนฺตฺยา อชฺญาตฺยา ภิกฺษุณฺยาะ สนฺติกาตฺ สฺวหสฺตํ ขาทนียโภชนียํ ปฺรติคฤหฺณียาตฺ เตน ภิกฺษุณา ภิกฺษูณามฺ อนฺติเก ปฺรติเทศยิตวฺยํ ครฺหณียมฺ อายุษฺมนฺตะ สฺถานมฺ อาปนฺโน ‘สฺมิ อสําเปฺรยํ ปฺรติเทศนียํ ตํ ธรฺมํ ปฺรติเทศยามิ อยํ ธรฺมะ ปฺรติเทศนียะ ๚๑๚

ภิกฺษวะ ปุนะ สํพหุลาะ กุเลษูปนิมนฺตฺริตา ภุํชีรํสฺ ตตฺร เจทฺ ภิกฺษุณี วฺยปทิศมานา สฺถิตา สฺยาทฺ อิเหาทนํ เทหิ อิห สูปํ เทหิ อิห ภูโย เทหีติ สา ภิกฺษุณี ภิกฺษุภิรฺ เอวํ สฺยาทฺ วจนียา อาคมย ตาวตฺ ตฺวํ ภคินี ยาวทฺ อิเม ภิกฺษโว ภุํชนฺตามฺ อิตฺยฺ เอกภิโกฺษรฺ อปิ เจนฺ น ปฺรติภายาตฺ ตํา ภิกฺษุณีมฺ เอวํ วกฺตุมฺ อาคมย ตาวตฺ ตฺวํ ภคินี ยาวทฺ อิเม ภิกฺษโว ภุํชนฺตามฺ อิติ สรฺไวสฺ ไตรฺ ภิกฺษุภิรฺ ภิกฺษูณามฺ อนฺติเก ปฺรติเทศยิตวฺยํ ครฺหณียมฺ อายุษฺมนฺตะ สฺถานมฺ อาปนฺนาะ สฺม อสําเปฺรยํ ปฺรติเทศนียํ ตํ ธรฺมํ ปฺรติเทศยาม อยํ ธรฺมะ ปฺรติเทศนียะ ๚๒๚

ยานิ ปุนสฺ ตานิ สํฆสฺย ไศกฺษสํมตานิ กุลานิ ภวนฺติ ไศกฺษสํวฤติสํมตานิ ยะ ปุนรฺ ภิกฺษุสฺ ตถารูเปภฺยะ กุเลภฺยะ ไศกฺษสํวฤติสํมเตภฺยะ ปูรฺวมฺ อนิมนฺตฺริตะ สมานะ ขาทนียโภชนียํ ปฺรติคฤหฺณียาตฺ เตน ภิกฺษุณา ภิกฺษูณามฺ อนฺติเก ปฺรติเทศยิตวฺยํ ครฺหณียมฺ อายุษฺมนฺตะ สฺถานมฺ อาปนฺโน ‘สฺมิ อสําเปฺรยํ ปฺรติเทศนียํ ตํ ธรฺมํ ปฺรติเทศยามิ อยํ ธรฺมะ ปฺรติเทศนียะ ๚๓๚

ยานิ ปุนสฺ ตานิ สํฆสฺยารณฺยกานิ ศยฺยาสนานิ ภวนฺติ สาศํกสํมตานิ สภยสํมตานิ สปฺรติภยไภรวสํมตานิ ฯ ยะ ปุนรฺ ภิกฺษุสฺ ตถารูเปษุ สํฆสฺยารณฺยเกษุ ศยฺยาสเนษุ ปูรฺวปฺรติสํเวทกะ อสํมตะ สํเฆน พหิรฺ อารามสฺย สฺวหสฺตํ ขาทนียโภชนียํ อปฺรติคฤหฺย อนฺตรฺ อาราเม ปฺรติคฤหฺณียาตฺ เตน ภิกฺษุณา ภิกฺษูณามฺ อนฺติเก ปฺรติเทศยิตวฺยํ ครฺหณียมฺ อายุษฺมนฺตะ สฺถานมฺ อาปนฺโน ‘สฺมิ อสําเปฺรยํ ปฺรติเทศนียํ ตํ ธรฺมํ ปฺรติเทศยามิ อยมฺ อปิ ธรฺมะ ปฺรติเทศนียะ ๚๔๚

อุทฺทิษฺฏา มยายุษฺมนฺตศฺ จตฺวาระ ปฺรติเทศนียา ธรฺมาสฺ ตตฺราหมฺ อายุษฺมตะ ปฤจฺฉามิ กจฺจิทฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[ไศกฺษา ธรฺมาะ]

อิเม ปุนรฺ อายุษฺมนฺตะ สํพหุลาะ ไศกฺษา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ๚

นาตฺยุตฺกฤษฺฏํ จีวรํ นิวาสยิษฺยาม อิติ ศิกฺษา กรณียา ๚๑๚
นาตฺยวกฤษฺฏํ จีวรํ นิวาสยิษฺยาม อิติ ศิกฺษา กรณียา ๚๒๚
น วิกีรฺณํ จีวรํ นิวาสยิษฺยาม อิติ ศิกฺษา กรณียา ๚๓๚
น วาสิฌฑกํ จีวรํ นิวาสยิษฺยาม อิติ ศิกฺษา กรณียา ๚๔๚
น ตาลปตฺรํ จีวรํ นิวาสยิษฺยาม อิติ ศิกฺษา กรณียา ๚๕๚
น หสฺติศุณฺฑํ จีวรํ นิวาสยิษฺยาม อิติ ศิกฺษา กรณียา ๚๖๚
น กุนฺมําสปิณฺฑํ จีวรํ นิวาสยิษฺยาม อิติ ศิกฺษา กรณียา ๚๗๚
น กลาปกํ จีวรํ นิวาสยิษฺยาม อิติ ศิกฺษา กรณียา ๚๘๚
น ทุนฺทุมํ จีวรํ นิวาสยิษฺยาม อิติ ศิกฺษา กรณียา ๚๙๚
น มิลิมํ จีวรํ นิวสยิษฺยาม อิติ ศิกฺษา กรณียา ๚๑๐๚
น จูรฺณสูตฺรํ จีวรํ นิวาสยิษฺยาม อิติ ศิกฺษา กรณียา ๚๑๑๚
ปริมณฺฑลํ จีวรํ นิวาสยิษฺยาม อิติ ศิกฺษา กรณียา ๚๑๒๚
นาตฺยุตฺกฤษฺฏํ จีวรํ ปฺราวริษฺยาม อิติ ศิกฺษา กรณียา ๚๑๓๚
นาตฺยวกฤษฺฏํ จีวรํ ปฺราวริษฺยาม อิติ ศิกฺษา กรณียา ๚๑๔๚
น วิกีรฺณํ จีวรํ ปฺราวริษฺยาม อิติ ศิกฺษา กรณียา ๚๑๕๚
ปริมณฺฑลํ จีวรํ ปฺราวริษฺยาม อิติ ศิกฺษา กรณียา ๚๑๖๚
___________________________________________________________
สุสํวฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๑๚
สุสํวฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๚
สุปฺรติจฺฉนฺนา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๚
สุปฺรติจฺฉนฺนา อนฺตรฺคฤเห นิษตฺสฺยาม อิติ ศิกฺษา กรณียา ๚๔๚
โนตฺกฺษิปฺตจกฺษุโษ ‘นฺตรฺคฤหํ ปฺรเวกฺษฺยาม อิติ ศิกฺษา กรณียา ๚๕๚
โนตฺกฺษิปฺตจกฺษุโษ ‘นฺตรฺคฤเห นิษตฺสฺยาม อิติ ศิกฺษา กรณียา ๚๖๚
อลฺปศพฺทา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๗๚
อลฺปศพฺทา อนฺตรฺคฤเห นิษตฺสฺยาม อิติ ศิกฺษา กรณียา ๚๘๚
โนจฺจคฺฆิกยา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๙๚
โนจฺจคฺฆิกยา อนฺตรฺคฤเห นิษตฺสฺยาม อิติ ศิกฺษา กรณียา ๚๑๐๚
โนตฺกุฏุกา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๑๑๚
โนตฺกุฏุกา อนฺตรฺคฤเห นิษตฺสฺยาม อิติ ศิกฺษา กรณียา ๚๑๒๚
น เวษฺฏิตศิรโส ‘นฺตรฺคฤหํ ปฺรเวกฺษฺยาม อิติ ศิกฺษา กรณียา ๚๑๓๚
น เวษฺฏิตศิรโส ‘นฺตรฺคฤเห นิษตฺสฺยาม อิติ ศิกฺษา กรณียา ๚๑๔๚
นาวคุณฺฑิกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา๚๑๕๚
นาวคุณฺฑิกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๑๖๚
น กมฺภากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๑๗๚
น กมฺภากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๑๘๚
โนตฺกฤษฺฏิกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๑๙๚
โนตฺกฤษฺฏิกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๐๚
นาตฺยสฺติกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๒๑๚
นาตฺยสฺติกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๒๚
น วินฺยสฺติกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๒๓๚
น วินฺยสฺติกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๔๚
น วิกฺษิปฺติกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๒๕๚
น วิกฺษิปฺติกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๖๚
น ปลฺลตฺถิกากฤตา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๒๗๚
น ปลฺลตฺถิกากฤตา อนฺตรฺคฤเห นิษตฺสฺยาม อิติ ศิกฺษา กรณียา ๚๒๘๚
น พาหุปฺรจาลกา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๒๙๚
น พาหุปฺรจาลกา อนฺตรฺคฤเห นิษตฺสฺยาม อิติ ศิกฺษา กรณียา ๚๓๐๚
น จําสปฺรจาลกา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๑๚
น จําสปฺรจาลกา อนฺตรฺคฤเห นิษตฺสฺยาม อิติ ศิกฺษา กรณียา ๚๓๒๚
น ศีรฺษปฺรจาลกา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๓๚
น ศีรฺษปฺรจาลกา อนฺตรฺคฤเห นิษตฺสฺยาม อิติ ศิกฺษา กรณียา ๚๓๔๚
น กายปฺรจาลกา อนฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๕๚
น กายปฺรจาลกา อนฺตรฺคฤเห นิษตฺสฺยาม อิติ ศิกฺษา กรณียา ๚๓๖๚
น หสฺตสํลคฺนิกยานฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๗๚
น หสฺตสํลคฺนิกยานฺตรฺคฤเห นิษตฺสฺยาม อิติ ศิกฺษา กรณียา ๚๓๘๚
น วิฑงฺคิกยานฺตรฺคฤหํ ปฺรเวกฺษฺยาม อิติ ศิกฺษา กรณียา ๚๓๙๚
น วิฑงฺคิกยานฺตรฺคฤเห นิษตฺสฺยาม อิติ ศิกฺษา กรณียา ๚๔๐๚
น ปาเท ปาทมฺ อาธายานฺตรฺคฤเห นิษตฺสฺยาม อิติ ศิกฺษา กรณียา ๚๔๑๚
น สกฺถฺนิ สกฺถฺยฺ อาโรปฺยานฺตรฺคฤเห นิษตฺสฺยาม อิติ ศิกฺษา กรณียา ๚๔๒๚
น ปาเณา หนุมฺ อุปาทายานฺตรฺคฤเห นิษตฺสฺยาโม คฤหิโณ หาสฺยเปฺรกฺษิณ อิติ ศิกฺษา กรณียา ๚๔๓๚
___________________________________________________________
สตฺกฤตฺเยาทนํ ปฺรติคฤหีษฺยาม อิติ ศิกฺษา กรณียา ๚๑๚
สตฺกฤตฺย สูปํ ปฺรติคฤหีษฺยาม อิติ ศิกฺษา กรณียา ๚๒๚
น สฺตูปาการํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๓๚
สมติตฺติกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๔๚
สมสูปิกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๕๚
น สฺตูปฺยวคุณฺฐีกฤตํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๖๚
น วฺยุตฺกณฺฐศะ ปิณฺฑปาตํ ปริโภกฺษฺยาม อิติ ศิกฺษา กรณียา ๚๗๚
นาติมหานฺตมฺ อาโลปํ กริษฺยาม อิติ ศิกฺษา กรณียา ๚๘๚
ปริมณฺฑลมฺ อาโลปํ กริษฺยาม อิติ ศิกฺษา กรณียา ๚๙๚
นานาคเต อาโลเป มุขทฺวารํ วิวริษฺยาม อิติ ศิกฺษา กรณียา ๚๑๐๚
น สาโลเปน มุขทฺวาเรณ วฺยาหริษฺยาม อิติ ศิกฺษา กรณียา ๚๑๑๚
น กพฑจฺเฉทกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๒๚
น ศุศุกฺการกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๓๚
น จุจุกฺการกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๔๚
น ผุผุกฺการกํ ปิณฺฑปาตํ ปริโภกฺษฺยาม อิติ ศิกฺษา กรณี ยา ๚๑๕๚
น คฤษฺมหารกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๖๚
โนชฺชิฆฺรนฺตะ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๗๚
น ชิหฺวานิศฺจารกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๘๚
น หสฺตาวเลหกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๑๙๚
น ปาตฺราวเลหกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๒๐๚
น หสฺตาวธูนกํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๒๑๚
น ศิสฺตวิกิรํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๒๒๚
น สามิเษณ ปาณินา ปานียสฺถาลกํ ปฺรติคฤหีษฺยาม อิติ ศิกฺษา กรณียา ๚๒๓๚
นาตฺมารฺถมฺ อคฺลานา โอทนํ วา สูปํ วา วิชฺญาปยิษฺยาม อิติ ศิกฺษา กรณียา ๚๒๔๚
เนาทเนน สูปํ ปฺรติจฺฉาทยิษฺยาโม ภูยสฺกามตามฺ อุปาทาย อิติ ศิกฺษา กรณียา ๚๒๕๚
นาวธฺยานเปฺรกฺษิณ อนนฺตริกสฺย ปาตฺรํ วฺยวโลกยิษฺยาม อิติ ศิกฺษา กรณียา ๚๒๖๚
ปาตฺรสํชฺญินะ ปิณฺฑปาตํ ปริโภกฺษฺยาม อิติ ศิกฺษา กรณียา ๚๒๗๚
สาวทานํ ปิณฺฑปาตํ ปริโภกฺษฺยาม อิติ ศิกฺษา กรณียา ๚๒๘๚
น สามิษํ ปาโตฺรทกมฺ อนฺตรฺคฤเห โฉรยิษฺยาโม คฤหิณมฺ อนวโลกฺเยติ ศิกฺษา กรณียา ๚๒๙๚
___________________________________________________________
น ยานาธิรูฒสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๚
น ปุรโต คจฺฉตะ ปฤษฺฐโต ‘นุคจฺฉนฺต อคฺลานสฺย ธรฺมํ เทศยิษฺยาม อิติ ศิกฺษา กรณียา ๚๒๚
น มารฺคํ คจฺฉโต หฺยฺ อมารฺคํ คจฺฉนฺต อคฺลานสฺย ธรฺมํ เทศยิษฺยาม อิติ ศิกฺษา กรณียา ๚๓๚
น สฺถิตา นิษณฺณสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๔๚
น นีจาสเน นิษณฺณา อุจฺจาสเน นิษณฺณสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๕๚
น นิษณฺณา นิปนฺนสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๖๚
น เวษฺฏิตศิรส อคฺลานสฺย ธรฺมํ เทศยิษฺยาม อิติ ศิกฺษา กรณียา ๚๗๚
นาวคุณฺฑิกากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๘๚
น กํภากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๙๚
โนตฺกฤษฺฏิกากฤตสฺยาคฺลานสฺย ธรฺมํ เทศยิษฺยาม อิติ ศิกฺษ กรณียา ๚๑๐๚
นาตฺยสฺติกากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๑๚
น วินฺยสฺติกากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๒๚
น วิกฺษิปฺติกากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๓๚
น ปลฺลตฺถิกากฤตสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๔๚
น โสปานหกสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๕๚
น สปาทุกสฺยาคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๖๚
น ทณฺฑปาเณรฺ อคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๗๚
น จฺฉตฺรปาเณรฺ อคฺลานสฺย ธรฺมํ เทศยิษฺยาม อิติ ศิกฺษา กรณียา ๚๑๘๚
น ศสฺตฺรปาเณะ สรฺวถา ธรฺมํ เทศยิษฺยาม อิติ ศิกฺษา กรณียา ๚๑๙๚
น ขฑฺคปาเณะ สรฺวถา ธรฺมํ เทศยิษฺยาม อิติ ศิกฺษา กรณียา ๚๒๐๚
นายุธปาเณะ สรฺวถา ธรฺมํ เทศยิษฺยาม อิติ ศิกฺษา กรณียา ๚๒๑๚
น หริต อุจฺจารปฺรสฺราวํ เขฏํ ศิงฺฆาณกํ กริษฺยาม อิติ ศิกฺษา กรณียา ๚๒๒๚
น กลฺปิก อุทเก ปาริโภคีเย อุจฺจารปฺรสฺราวํ เขฏํ ศิงฺฆาณกํ กริษฺยาม อิติ ศิกฺษา กรณียา ๚๒๓๚
น สฺถิตา อคฺลานา อุจฺจารปฺรสฺราวํ กริษฺยาม อิติ ศิกฺษา กรณียา ๚๒๔๚
น สาธิกเปารุษํ วฤกฺษมฺ อาโรกฺษฺยาโม ‘นฺยตฺร ปฺรตฺยยาทฺ อิติ ศิกฺษา กรณียา ๚๒๕๚ ฯ
อุทฺทิษฺฏา มยายุษฺมนฺตะ สํพหุลาะ ไศกฺษา ธรฺมาสฺ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺทา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอตทฺ ธารยามิ ๚

---

[อธิกรณศมถา ธรฺมาะ]

อิเม ปุนรฺ อายุษฺมนฺตะ สปฺตาธิกรณศมถา ธรฺมา อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉนฺติ ฯ

สํมุขวินยารฺหสฺย สํมุขวินยํ ทาสฺยามะ ๚๑๚
สฺมฤติวินยารฺหสฺย สฺมฤติวินยํ ทาสฺยามะ ๚๒๚
อมูฒวินยารฺหสฺย อมูฒวินยํ ทาสฺยามะ ๚๓๚
ปฺรติชฺญาวินยารฺหสฺย ปฺรติชฺญํา การยิษฺยามะ ๚๔๚
ตตฺสฺวภาไวษิการฺหสฺย ตตฺสฺวภาไวษิกํา ทาสฺยามะ ๚๕๚
ยทฺภูเยษิการฺหสฺย ยทฺภูเยษิกํ ทาสฺยามะ ๚๖๚
อุตฺปนฺโนตฺปนฺนานฺยฺ อธิกรณานิ ตฤณปฺรสฺตารเกน วฺยุปศมยิษฺยาโม ธรฺเมณ .อิ… ๚๗๚
อุทฺทิษฺฏา มยายุษฺมนฺตะ สปฺตาธิกรณศมถา ธรฺมาสฺ ตตฺราหมฺ อายุษฺมตะ ปฤจฺฉามิ กจฺจิตฺ สฺถาตฺร ปริศุทฺธา ทฺวิรฺ อปิ ตฺริรฺ อปิ ปฤจฺฉามิ กจฺจิตฺ สฺถาตฺร ปริศุทฺธาะ ปริศุทฺธา อตฺรายุษฺมนฺโต ยสฺมาตฺ ตูษฺณีมฺ เอวมฺ เอวาหํ ธารยามิ ๚

---

อุทฺทิษฺฏํ มยายุษฺมนฺตะ ปฺราติโมกฺษสูตฺรสฺย ฯ
นิทานํ อุทฺทิษฺฏาศฺ จตฺวาระ ปาราชิกา ธรฺมา
อุทฺทิษฺฏาสฺ ตฺรโยทศ สํฆาวเศษา ธรฺมา
อุทฺทิษฺเฏา ทฺวาวฺ อนิยเตา ธรฺเมา
อุทฺทิษฺฏาสฺ ตฺริํศนฺ นิะสรฺคิกาะ ปาตยนฺติกา ธรฺมา
อุทฺทิษฺฏา นวติ ปาตยนฺติกา ธรฺมา
อุทฺทิษฺฏาศฺ จตฺวาระ ปฺรติเทศนียา ธรฺมา
อุทฺทิษฺฏาะ สํพหุลาะ ไศกฺษา ธรฺมา
อุทฺทิษฺฏาะ สปฺตาธิกรณศมถา ธรฺมาะ ฯ

เอตาวตฺ ตสฺย ภควตะ สูตฺรคตํ สูตฺรปรฺยาปนฺนมฺ อนฺวรฺธมาสํ ปฺราติโมกฺษสูโตฺรทฺเทศมฺ อาคจฺฉติ อิติ โย วา ปุนรฺ อนฺโย ‘ปฺยฺ อาคจฺเฉทฺ ธรฺมสฺยานุธรฺมสฺ ตตฺร วะ สหิไตะ สมไคฺระ สํโมทมาไนรฺ อวิวทมาไนรฺ เอกาไคฺรรฺ เอโกทฺเทไศรฺ เอกกฺษีโรทกีภูไตะ สุขํ ผาษํ วิหรฺตวฺยมฺ อิติ ศิกฺษา กรณียา ๚

---

กฺษานฺติะ ปรมํ ตปสฺ ติตีกฺษา
นิรฺวาณํ ปรมํ วทนฺติ พุทฺธาะ
น หิ ปฺรวฺรชิตะ ปโรปตาปี
ศฺรมโณ ภวติ ปรานฺ วิเหฐยานะ ๚๑๚

จกฺษุษฺมานฺ วิษมานีว วิทฺยมาเน ปรากฺรเม
ปณฺฑิโต ชีวโลเก ‘สฺมินฺ ปาปานิ ปริวรฺชเยตฺ ๚๒๚

โนปวาที โนปฆาตี ปฺราติโมเกฺษ จ สํวระ
มาตฺรชฺญตา จ ภกฺเตษุ ปฺรานฺตํ จ ศยนาสนมฺ
อธิจิตฺเต สมาโยค เอตทฺ พุทฺธสฺย ศาสนมฺ ๚๓๚

ยถาปิ ภฺรมระ ปุษฺปาทฺ วรฺณคนฺธาวฺ อเหฐยนฺ
ปไรติ รสมฺ อาทาย ตถา คฺรามํา มุนิศฺ จเรตฺ ๚๔๚

น ปเรษํา วิโลมานิ น ปเรษํา กฤตากฤตมฺ
อาตฺมนสฺ ตุ สมีเกฺษต สมานิ วิษมานิ จ ๚๕๚

อธิเจตสิ มา ปฺรมทฺยต ปฺรตตํ เมานปเทษุ ศิกฺษต
โศกา น ภวนฺติ ตายิโน หฺยฺ อุปศานฺตสฺย สทา สฺมฤตาตฺมนะ ๚๖๚

สรฺวปาปสฺยากรณํ กุศลสฺโยปสํปทะ
สฺวจิตฺตปรฺยวทนมฺ เอตทฺ พุทฺธสฺย ศาสนํ ๚๗๚

กาเยน สํวระ สาธุ สาธุ วาจา จ สํวระ
มนสา สํวระ สาธุ สาธุ สรฺวตฺร สํวระ
สรฺวตฺร สํวฤโต ภิกฺษุะ สรฺวทุะขาตฺ ปฺรมุจฺยเต ๚๘๚

วาจานุรกฺษี มนสา สุสํวฤตะ
กาเยน ไจวากุศลํ น กุรฺยาตฺ
เอตํา ศุภํา กรฺมปถํา วิโศธยนฺนฺ
อาราธเยนฺ มารฺคมฺ ฤษิปฺรเวทิตมฺ ๚๙๚

กฺษิปฺตะ กฺษิเปนฺ ไนว หโต น หนฺยาทฺ
ไวรปฺรสํเคษุ ภเวทฺ อไวระ
ทุษฺเฏษุ จ สฺยาตฺ สตตํ ปฺรสนฺนะ
สฺวยํ น กุรฺยาตฺ ปรครฺหิตํ ยตฺ ๚๑๐๚

สปฺตภิรฺ โลกนายไกรฺ พุทฺธวีไรรฺ มหาตฺมภิะ
ปฺราติโมกฺษะ สมุทฺทิษฺโฏ นิรฺทิษฺฏศฺ จ มหรฺษิณา ๚๑๑๚

อตฺร สเคารวา พุทฺธา พุทฺธานํา ศฺราวกาศฺ จ เย
อตฺร สเคารวา ภูตฺวา ตถานฺโยนฺยสเคารวา
หฺรีรวตฺราปฺยสํปนฺนาะ ปฺราปฺนุวนฺติ หฺยฺ อสํสฺกฤตมฺ ๚๑๒๚

อารภธฺวํ นิษฺกฺรมธฺวํ ยุชฺยธฺวํ พุทฺธศาสเน ฯ
ธุนธฺวํ มฤตฺยุนะ ไสนฺยํ นฑาคารมฺ อิว กุญฺชระ ๚๑๓๚

โย หฺยฺ อสฺมิํ ธรฺมวินเย อปฺรมตฺโต ภวิษฺยติ
ปฺรหาย ชาติสํสารํ ทุะขสฺยานฺตํ ส ยาสฺยติ ๚๑๔๚

ยสฺยารฺเถ สูตฺรมฺ อุทฺทิษฺฏํ ยสฺยารฺเถ โปษถะ กฤตะ
ตจฺ ฉีลมฺ อนุรกฺษธฺวํ วาลาคฺรํ จมโร ยถา ๚๑๕๚

อุทฺทิษฺฏะ ปฺราติโมกฺษะ กฤตะ สมเคฺรณ สํเฆน โปษถ อิติ ๚
ปฺราติโมกฺษสูตฺรํ สมาปฺตมฺ ๚

 

---

Bibliography

Pratimoksasutra
Based on the ed. by Georg von Simson: Pratimoksasutra der Sarvastivadins,
Teil 1, Göttingen 1986 (Sanskrittexte aus den Turfanfunden, 11); Teil 2, Göttingen 2000.
Input by Georg von Simson
http://gretil.sub.uni-goettingen.de/gretil/1_sanskr/4_rellit/buddh/prmosu_u.htm

 

Buddhist Manuscripts from Central Asia
The British Library Sanskrit Fragments
Volume III.1
Editors-in-chief:
SEISHI KARASHIMA, JUNDO NAGASHIMA AND KLAUS WILLE
The International Research Institute for Advanced Buddhology
Soka University
Tokyo 2015
http://iriab.soka.ac.jp/content/pdf/kudo/Kudo2015e-BLSF%20III.1(15009.601-678).pdf